«سايلاۋ ناۋقانى كەزىندە كوپتەگەن ورىندى سىن, بايىپتى ۇسىنىس ايتىلدى. ءبىز ايتىلعان سالماقتى ۇسىنىستاردى مىندەتتى تۇردە زەردەلەيمىز. باسەكە جوعارى بولعاندىقتان, سايلاۋ ناتيجەسىن الدىن-الا بولجاۋ مۇمكىن ەمەس بولدى. ونىڭ قورىتىندىسى ەلىمىزدىڭ ناعىز كوپپارتيالى مەملەكەتكە اينالۋ جولىندا ماڭىزدى قادام جاساعانىن كورسەتتى», دەدى پرەزيدەنت.
وسى رەتتە مەملەكەت باسشىسى ماجىلىسكە كوزقاراسى ءارتۇرلى ساياسي ۇستانىمداعى كۇشتەر كەلگەنىن ايتىپ ءوتتى.
«العاش رەت ۇزاق جىل بويى وپپوزيتسيادا بولعان پارتيا پارلامەنتكە ءوتتى. ءبىز وسىنىڭ بارىنە اۋقىمدى ساياسي رەفورمانىڭ ارقاسىندا قول جەتكىزدىك. پارتيالاردى تىركەۋ ماسەلەسىن رەتتەيتىن زاڭنامانىڭ وزگەرۋى دە بۇعان سەپتىگىن تيگىزدى», دەدى ق.توقاەۆ.
