پارتيالار اراسىندا ءماجىلىس دەپۋتاتىنىڭ مانداتتارى قالاي بولىنگەنى بەلگىلى بولدى

ەسكە سالا كەتەيىك, قازاقستاندا 19 ناۋرىزدا ءماجىلىس پەن ءماسليحات دەپۋتاتتارىنىڭ سايلاۋى ءوتتى.

وسك-نىڭ الدىن الا مالىمەتتەرى بويىنشا, داۋىس بەرۋ ناتيجەلەرى كەلەسىدەي بولدى:

«امانات» پارتياسى – 3 431 510 داۋىس/53,90 پايىز;
«اۋىل» حالىقتىق-دەموكراتيالىق پاتريوتتىق پارتياسى – 693 938 داۋىس/10,90 پايىز;
«رەسپۋبليكا» پارتياسى – 547 154 داۋىس/8,59 پايىز;
قازاقستان حالىق پارتياسى – 432 920 داۋىس/6,8 پايىز;
«بايتاق» جاسىلدار پارتياسى – 146 431 داۋىس/2,30 پايىز;
قازاقستاننىڭ «اق جول» دەموكراتيالىق پارتياسى – 535 139 داۋىس/8,41 پايىز;
جالپىۇلتتىق سوتسيال-دەموكراتيالىق پارتيا – 331 058 داۋىس/5,2 پايىز.

«بارلىعىنا قارسىمىن» باعانىنا 248 291 ادام, ياعني حالىقتىڭ 3,9 پايىزى داۋىس بەردى.

«پارتيالىق تىزىمدەر بويىنشا داۋىس بەرۋ قورىتىندىسىنا ساي 6 ساياسي پارتياعا دەپۋتاتتىق مانداتتاردى بولۋگە رۇقسات ەتىلدى: «اماNات» پارتياسى, «اۋىل» حدپ, «رەسپۋبليكا» پارتياسى, قازاقستان حالىقتىق پارتياسى, «اق جول» دەموكراتيالىق پارتياسى, جالپىۇلتتىق سوتسيال-دەموكراتيالىق پارتياسى. 5 پايىز داۋىس جيناي الماعان «بايتاق» جاسىلدار پارتياسى وتپەيدى», دەدى نۇرلان ءابدىروۆ.

ونىڭ ايتۋىنشا, دەپۋتاتتىق مانداتتار ساياسي پارتيالار اراسىندا كەلەسىدەي ءبولىندى:

«اماNات» پارتياسى – 40;

«اۋىل» حدپ – 8;

«رەسپۋبليكا» پارتياسى – 6;

قازاقستان حالىق پارتياسى – 5;

«اق جول» دەموكراتيالىق پارتياسى – 6;

جالپىۇلتتىق سوتسيال-دەموكراتيالىق پارتياسى – 4.

19 ناۋرىزدا ەلىمىزدە ءماجىلىس پەن ءماسليحات دەپۋتاتتارىنىڭ كەزەكتەن تىس سايلاۋى ءوتتى. وتكەن اپتادا ءبىر مانداتتى اۋماقتىق سايلاۋ وكرۋگتەرى بويىنشا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتىعىنا جەڭىسكە جەتكەن كانديداتتاردىڭ ەسىمدەرى بەلگىلى بولدى. سونداي-اق استانا قالاسى ءماسليحاتى دەپۋتاتتارىن سايلاۋدىڭ قورىتىندىسى بەلگىلى بولدى.