قوعام • 26 ناۋرىز، 2023

جاتاقحانا ماسەلەسى شەشىلەدى

77 رەت كورسەتىلدى

الماتى قالاسىن دامىتۋدىڭ 2025 جىلعا دەيىنگى باعدارلاماسى شەڭبەرىندە 12 مىڭ، ال 2030 جىلعا دەيىن 20 مىڭ ورىنعا ارنالعان جاتاقحانا سالۋ جوسپارلانىپ وتىر. وسى ماقساتتا بايتۇرسىن ۇلى كوشەسى، 22 مەكەنجايىندا ستۋدەنتتىك جاتاق­حانالار قۇرىلىسىنىڭ جوبالىق ءوفيسى اشىلدى.

بۇعان دەيىن عىلىم جانە جوعارى ءبىلىم ءمينيسترى ساياسات نۇر­بەكتىڭ وڭتۇستىك استاناعا ساپارى بارىسىندا ورىن جەتىسپەۋ­شىلىگىنە قاتىستى ماسەلەلەر تال­قىلانعان بولاتىن. سول ساپاردا ماسەلەنى رەتتەۋدىڭ ءبىر جولى رەتىندە مينيستر مەن قالا اكىمىنىڭ ورىنباسارى ارمان قىرىقباەۆ ارنايى مەموراندۋمعا قول قوي­دى. كەزدەسۋدە ساياسات نۇربەك «مەملەكەت باسشىسىنىڭ تاپسىرماسى بويىنشا ءبىز ستۋدەنتتەر ءۇشىن جاتاقحانالار سالۋ جۇ­مىسىن باستاپ كەتتىك. حالىق ەڭ تىعىز ورنالاسقان قالا – ال­ماتىدا جوبالىق كەڭسە ءوز ەسىگىن اشتى، ەندى وسىنداي كەڭسەلەردى جاتاقحانالارعا قاجەتتىلىگى بار باسقا قالالاردا، اتاپ ايتقاندا، استانا، اقتوبە جانە شىمكەنتتە اشۋدى جوسپارلاپ وتىرمىز»، دەدى.

قازىرگى كەزدە الماتى قالا­سىنداعى ستۋدەنتتىك جاتاق­حانالاردا 32 مىڭ ورىن جەتىس­پەيدى. قۇرىلىس جۇمىستارى وسى جىلى Satbayev University ستۋ­دەنتتەرى ءۇشىن 2 جاڭا جاتاقحانا سالۋدان باستالادى. سونداي-اق اباي اتىنداعى قازاق ۇلتتىق پەداگوگيكالىق ۋنيۆەرسيتەتى ستۋ­دەنتتەرى ءۇشىن 140 ورىندىق جاتاق­حانا سالۋ كوزدەلىپ وتىر.

جوبالىق كەڭسە الماتى قا­لاسىنىڭ اۋماعىندا جاتاق­حانالار سالۋ جانە ستۋدەنتتەردى تۇرعىن ۇيمەن قامتاماسىز ەتۋ، قالا اكىمدىگى مەن قارجى ورتالىعى تاراپىنان تۇرعىن ءۇي سالۋعا مۇددەلى جوعارى وقۋ ورىندارى مەن الەۋەتتى ينۆەستورلارعا جەدەل زاڭگەرلىك، كونسۋلتاتسيالىق جانە ساراپتامالىق قولداۋ كور­سەتۋ ماقساتىندا اشىلدى. وندا مينيسترلىكتىڭ، قارجى ورتا­لىعىنىڭ جانە اكىمدىكتىڭ ءتۇرلى باسقارمالارىنىڭ وكىلدەرى كۇن­دەلىكتى حالىققا قىزمەت كور­سەتۋ ورتالىعى رەجىمىندە ۋني­ۆەر­سيتەتتەر، قۇرىلىس كومپا­نيالارىنىڭ وكىلدەرى مەن مەر­دىگەرلەرگە كەڭەس بەرەدى. بۇگىنگى تاڭدا جوبالىق كەڭسە بازاسىندا 50 ينۆەستور تىركەلگەن. ولاردىڭ بەسەۋى ءتۇرلى باعىتتا جۇمىس ىستەيتىن بولادى.

 

الماتى

 

ۇقساس جاڭالىقتار