قىزداردىڭ قارقىنى قاتتى

ءۇندىستاندا وسىمەن ءۇشىنشى مارتە جالاۋى جەلبىرەگەن الەم­دىك دودانىڭ العاشقى كۇنىندە ءشامىل سافيۋللين جاتتىقتى­را­تىن قازاق­­ستان قىزدار قۇرا­ماسى ساپىنان ءبىرىنشى بولىپ رينگكە 52 كيلو سالماقتا ونەر كورسەتەتىن جازيرا وراقباەۆا كوتەرىلدى. بىلتىرعى ازيا بىرىنشىلىگىنىڭ قولا جۇلدەگەرى دەلي شارشى الا­ڭىنداعى ءبىرىنشى جەكپە-جە­گىندە تايپەيلىك چان چيا-حسۋن­مەن جۇ­دىرىقتاستى. باسە­كە باس­­تالعان بەتتە رينگ ورتا­سىن يەلەنىپ، قار­سىلاسىن سوق­قى­نىڭ استىنا العان وتانداسىمىز ەكىنشى راۋندا تايۆاندىق قار­سىلاسىن ەكى مارتە نوك­داۋنعا جى­­بەرىپ، كەيىن­نەن جەك­پە-جەكتى نو­كاۋتپەن اياق­تادى.

الەم چەمپيوناتىنىڭ ەكىنشى كۇنىندە قازاقستان جانكۇيەرلەرى ەكى وتانداسىمىزدىڭ جەكپە-جەكتەرىن تاماشالادى. 60 كيلو سالماقتا جۇدىرىقتاساتىن وتانداسىمىز ريمما ۆولوسەنكو ء«ا» دەگەننەن مىقتى قارسىلاسقا تاپ بولدى. ول العاشقى اينالىمدا وزبەكستاندىق ەكى دۇر­كىن ازيا چەمپيونى سيتورا تۋردي­بەكوۆامەن قولعاپ ءتۇيىستىردى. ەكى مىقتى اراسىنداعى كەزدەسۋدى دەليدەگى سپورت كەشەنىنە جي­نال­عان جانكۇيەرلەر اسقان قى­زى­عۋشىلىقپەن تاماشالادى. ويتكەنى ەكى بوكسشى دا ءۇش راۋند بويى ءبىر قارىس ارتقا شەگىنبەي، شارشى الاڭدا جەڭىس ءۇشىن بار ونەرلەرىن ورتاعا سالدى. اسا تار­تىستى وتكەن جەكپە-جەكتە تو­رە­شىلەر قازاقستان بوكسشىسى ءبىر باس جوعارى ناتيجە كورسەتتى دەپ ەسەپتەپ، 4-1 ەسەبىمەن جە­ڭىس­تى ريمما ۆولوسەنكوعا بەردى. ريم­­ما ەكىنشى اينالىمدا سەر­بيا­لىق ناتاليا شادرينامەن جۇ­دى­رىقتاسادى.

ۆولوسەنكونىڭ ءىزىن الا رينگكە جاراقاتىنا بايلانىستى ۇزاق ۋاقىت ۇلتتىق قۇراما قاتارىنان شىعىپ قالعان 81 كيلوداعى فا­ريزا شولتاي كوتەرىلدى. بىل­تىر­عى ەل چەمپيوناتىندا ءوز مىق­­­تى­لىعىن دالەلدەپ، قۇراماعا قايتا ورالعان اۋىر سالماقتاعى جەر­­لەسىمىز ءبىرىنشى كەزدەسۋىندە تري­نيداد جانە توباگو وكىلى ليان بۋدراممەن كەزدەسىپ، تەح­نيكالىق نوكاۋتپەن جەڭىسكە جەتتى. فاريزا شيرەك فينالدا كەنيالىق ەلي­زابەت اديامبو انديەگومەن كۇش سىناسادى.

ۇندىستانداعى جارىستىڭ ءۇشىن­­­شى كۇنىندە ءۇش قازاقستاندىق بوكسشى شارشى الاڭعا شىعىپ، بارلىعى دا قارسىلاستارىنان باسىم ءتۇستى. اتاپ ايتقاندا، جەڭىل سالماقتا (48 كگ) جۇدىرىقتاساتىن الۋا بالقىبەكوۆا الەم چەم­پيو­ناتىنىڭ 1/16 كەزەڭىندە سين­گاپۋرلىق كەي ۆان چي ۆايمەن شەبەرلىك بايقاسىپ، قارسىلاسىن اي­قىن باسىمدىقپەن تىزە بۇك­تىردى – 5:0. ول كەلەسى اينالىم­دا رەسەي بوكسشىسى يۋليا چۋم­گالاكوۆامەن كەزدەسەدى. ايتا كە­تەيىك، الۋا بالقىبەكوۆا بىلتىر ىستانبۇلداعى الەم چەم­پيو­ناتىندا كۇمىس جۇلدەگە قول جەتكىزگەن بولاتىن.

سونداي-اق وليمپيادا باع­دار­­لاماسىنا ەنەتىن 54 جانە 66 كيلوداعى جاينا شەكەربەكوۆا مەن نادەجدا ريابەتس الەم بىرىن­شىلىگىن ءساتتى باستاپ، دودانىڭ كە­­لەسى كەزەڭىنە جولداما الدى. ءۇش دۇركىن الەم چەمپيوناتىنىڭ جۇل­دەگەرى جاينا شەكەربەكوۆا ال­عاشقى اينالىمدا وڭتۇستىك كورەيا وكىلى ە چجي ءيمدى جارىس جولىنان ىعىستىرسا، جاس­تار ارا­سىنداعى وليمپيا ويىن­دا­رىنىڭ قولا جۇلدەگەرى، ەرەسەكتەر اراسىنداعى توكيو وليمپيا­داسىنىڭ قاتىسۋشىسى نادەجدا ريابەتس تە ءبىرىنشى كەزەڭدە وڭتۇس­تىك كورەيا بوكسشىسى سيون سۋد­جيننەن تورەشىلەردىڭ ارالاس شە­شىمىمەن باسىم ءتۇستى.

ايتا كەتەيىك، بيىلعى قىز­دار اراسىنداعى الەم چەمپيو­ناتىنىڭ جۇلدە قورى قوماق­تى. ماسەلەن، جارىس جەڭىم­پا­­زى اتان­عان بوكسشىلار حا­لىق­ارا­لىق بوكس قا­ۋىم­داس­تى­عىنان – 100 مىڭ، كۇمىس مەدال يەگەرلەرى – 50 مىڭ، قولا جۇل­دەگەرلەر 25 مىڭ اقش دول­لارى كو­لەمىندە سىياقى الادى.