اتاپ ايتقاندا, وتانداستارىمىزدان ريتا باكيشەۆا (46 كگ) مەن رۋسلان جاپاروۆ (+87 كگ) ءوز سالماعىندا قارسىلاس شاق كەلتىرمەي, التىننان القا تاقسا, نۇربەك گازەز (63 كگ), ماقسات ورىنباسار (68 كگ), ايدانا قۇمارتاەۆا (46 كگ) قولا جۇلدەگەرلەر قاتارىنان كورىندى.
سپورتتى دامىتۋ ديرەكتسياسىنىڭ مالىمەتى بويىنشا, ەندى قازاقستان ەرلەر قۇراماسى پاريجدە فرانتسيا قۇراماسىمەن بىرلەسكەن وقۋ-جاتتىعۋ جيىنىن وتكىزەدى. ال ايەلدەر قۇراماسى 20-27 ناۋرىز ارالىعىندا نيۋرنبەرگتە گەرمانيا قۇراماسىمەن بىرگە شەبەرلىگىن شىڭدايدى. بۇل جيىننان كەيىن جەرلەستەرىمىز 1-4 ءساۋىر ارالىعىندا اۋستريانىڭ ينسبۋرگ قالاسىنداعى حالىقارالىق تۋرنيردە باق سىناماق.
