«ۇيدە داۋىس بەرەتىن سايلاۋشىلاردىڭ مەكەنجايىنا ساعات 12-دەن كەيىن بارامىز. مىسالى, نازارباەۆ داڭعىلى №114-ءشى ۇيدە ءانۆار شاريپوۆا ەسىمدى اجەي تۇرادى. كەيۋانا 100-دەن اسسا دا سەرگەك, ۇمىتىپ كەتپەي كەلىڭدەر داۋىس بەرۋىم كەرەك دەپ بەلسەندىلىك تانىتىپ وتىر», دەيدى №11 سايلاۋ ۋچاسكەسىنىڭ توراعاسى گۇلبانۋ سۇلتانعازينا.
اتالمىش سايلاۋ ۋچاسكەسىندە ەڭ ءبىرىنشى كەلىپ ءوز تاڭداۋىن جاساعان سايلاۋشى – 65 جاستاعى زەينەتكەر نيكولاي فيليپەنكوۆ.
«ەرتە كەلگەنىم ءۇشىن ادەمى سىي-سياپات الىپ, كوڭىلىم كوتەرىلىپ قالدى. ءبىز ەندى مەملەكەت قامقورلىعىنداعى زەينەتكەر ادامدارمىز عوي. ەكى بالام بار. سولاردىڭ تۇرمىسى جاقسى بولسا, مەكتەپكە بارىپ جۇرگەن كىشكەنتاي نەمەرەلەرىم ساپالى ءبىلىم السا, مەديتسينا دامىپ, ءدارى-دارمەك ارزانداسا, ەلدىڭ الەۋمەتتىك جاعدايى بۇدان دا جاقسارا تۇسسە ەكەن دەيمىز. ءوزىم تاڭداۋ جاساعان ۇمىتكەرلەر وسى ماسەلەلەردىڭ ىلگەرىلەۋىنە بارىنشا اتسالىسامىز دەپ وتىر. سول كانديداتتارعا سەنەمىن», دەيدى سايلاۋشى.
قوستاناي وبلىسىندا داۋىس بەرۋ قۇقىنا يە ازاماتتار 500 مىڭنان اسادى. ولارعا 745 سايلاۋ ۋچاسكەسى قىزمەت كورسەتىپ جاتىر.
