وبلىستىق سايلاۋ كوميسسياسىنىڭ مالىمەتىنشە, پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ كەزەكتەن تىس سايلاۋى وتەتىن كۇنى 8 اۋماقتىق, 118 وكرۋگتىك جانە 247 ۋچاسكەلىك سايلاۋ كوميسسيالارى جۇمىس ىستەيدى.
247 سايلاۋ ۋچاسكەسىنىڭ 4-ءى قايتا قۇرىلدى. 52-ءنىڭ شەكاراسى وزگەرتىلدى. وبلىستا 418 002 سايلاۋشى تىركەلگەن, ونىڭ ىشىندە 20 579 تۇرعىن مۇگەدەكتەر توبىنا جاتادى. ونىڭ ىشىندە ەرەكشە قاجەتتىلىكتەرى بار 7970 ادام بار: كورۋ قابىلەتى بۇزىلعان 992 ادام, ەستۋ قابىلەتى ناشار 580 ادام, تىرەك-قوزعالىس اپپاراتى بۇزىلعان 5542 ادام, مۇگەدەكتەر ارباسىن 856 ادام پايدالانادى. وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, 190 عيماراتتا 247 سايلاۋ ۋچاسكەسى ورنالاسقان. ونىڭ ىشىندە 127 نىسان ەرەكشە قاجەتتىلىكتەرى بار ادامدارعا تولىق قولجەتىمدى, 49 نىسان جارتىلاي قولجەتىمدى. سايلاۋ كۇنى اقتاۋ قالالىق ساڭىراۋلار قوعامى مەن «ماڭعىستاۋ» ساڭىراۋلار قوعامىنىڭ ەكى قوعامدىق بىرلەستىگىنەن 15 «ينۆاتاكسي» اۆتوكولىگى, 13 سۋردواۋدارماشى جۇمىس ىستەيدى. وبلىستاعى بارلىق سايلاۋ ۋچاسكەلەرى «برايل» شريفتىمەن جازىلعان ترافارەتتەرمەن جانە بيۋللەتەندەردىڭ اۋديو نۇسقالارىمەن قامتاماسىز ەتىلگەن.
