بۇگىن – تاريحي كۇن. سارقان اۋدانى قويلىق اۋىلىنىڭ تۋماسى 98 جاستاعى سوعىس ارداگەرى بەرلىبەك ىسقاق ۇلى №365 سايلاۋ ۋچاسكەسىندە ەڭ ءبىرىنشى بولىپ داۋىس بەرگەن سايلاۋشى بولدى.
اقساقال ەلىمىزدىڭ جاڭا داۋىرگە قادام باسىپ, شالعاي جاتقان اۋىل حالقىنىڭ ۇنىنە قۇلاق اساتىن جاناشىر دەپۋتاتتار سايلاۋدا جەڭىسكە جەتەتىندىگىنە سەنىم ءبىلدىرىپ, اق باتامەن جالعادى.
«تاۋەلسىز ەلىمىزدىڭ بولاشاعى دەگەندە بارلىعىمىز ءبىر كىسىدەي̆ اتسالىسۋىمىز كەرەك. مەنىڭ جاسىم جۇزگە تاياپ قالسا دا ەشقاشان ساي̆لاۋدان تىس قالعان ەمەسپىن, ساي̆لاۋعا ءار ازاماتتىڭ بارۋى مىندەتتى», دەدى بەرلىبەك اتا.
ايتا كەتەيىك, جەتىسۋ وبلىسىندا تىركەۋ قورىتىندىسى بويىنشا بارلىعى 538 دەپۋتاتتىققا كانديدات تىركەلدى. قازىرگى ۋاقىتتا پارلامەنت ءماجىلىسىنىڭ دەپۋتاتتارىن سايلاۋ بويىنشا جەتىسۋ وبلىستىق بىرمانداتتىق اۋماقتىق №17 سايلاۋ وكرۋگىنەن – 13 كانديدات سايلاۋعا تۇسەدى. وندا 1 – كانديدات «امانات» پارتياسىنان, 12 – كانديدات ءوزىن-ءوزى ۇسىنۋ ارقىلى.
وبلىستىق ءماسليحات دەپۋتاتتارىن سايلاۋ بويىنشا 5 ساياسي پارتيانىڭ پارتيالىق ءتىزىمى بويىنشا 58 كانديدات سايلاۋعا تۇسەدى. وندا:
«امانات» پارتياسى (34 كانديدات),
«قحپ» پارتياسى (6 كانديدات),
«اۋىل» پارتياسى (8 كانديدات),
«رەسپۋبليكا» پارتياسى (2 كانديدات),
«اقجول» پارتياسى (8 كانديدات)
جەتىسۋ وبلىسىندا بىرمانداتتىق اۋماقتىق سايلاۋ وكرۋگتەرى بويىنشا: وبلىستىق ماسليحاتقا 16 وكرۋگ بويىنشا 52 كانديدات; قالالىق ماسليحاتتارعا 29 وكرۋگ بويىنشا 85 كانديدات; اۋداندىق ماسليحاتتارعا 107 وكرۋگ بويىنشا 317 كانديدات.
