كونكۋرستىق ىرىكتەۋگە قاتىسۋعا وتىنىمدەر مەملەكەتتىك قىزمەتتەر پورتالى – eGov.kz ارقىلى ونلاين تۇردە قابىلدانادى. جىلدىڭ سوڭىنا دەيىن «بولاشاق» ستيپەندياسىنا وتىنىمدەردى قابىلداۋدىڭ تاعى ەكى لەگى وتكىزىلەدى: 5 ماۋسىم مەن 7 شىلدە ارالىعىندا, سونداي-اق 17 شىلدە مەن 15 قىركۇيەك ارالىعىندا.
سونىمەن قاتار بيىل ستيپەنديا ۇمىتكەرلەرىنە قويىلاتىن تالاپتار كۇشەيتىلدى. ەندى ۇمىتكەرلەر شەت ءتىلىن مەڭگەرگەنىن راستاۋى ءتيىس. اعىلشىن تىلىندە اكادەميالىق وقۋعا تۇسۋشىلەر ناتيجەسى كەمىندە 9.0-دەن 6.0, تاعىلىمدامادان وتۋشىلەر ناتيجەسى 9.0-دەن 5.0 IELTS سەرتيفيكاتىن ۇسىنۋى كەرەك.
جىل باسىندا جەتەكشى شەتەلدىك جوعارى وقۋ ورىندارىندا اكادەميالىق وقۋعا ارنالعان كۆوتالىق ساناتتار تىزىمى كەڭەيتىلدى. وقۋعا تۇسۋشىلەردى قولداۋ ءۇشىن ينجەنەرلىك-تەحنيكالىق كادرلار مەن مەديتسينا ماماندارى ءۇشىن جەڭىلدىكتەر ەنگىزىلدى. اتالعان وزگەرتۋلەردىڭ ارقاسىندا قازاقستاندىق دارىگەرلەر مەن تەحنيكالىق قىزمەتكەرلەردىڭ مەرزىمى 12 ايعا دەيىنگى تەگىن تىلدىك دايىندىقتان ءوتىپ, «بولاشاق» ستيپەندياسى تاعايىندالعاننان كەيىن باعدارلاما اياسىندا ءبىلىم الۋعا ۇسىنىلاتىن ۋنيۆەرسيتەتتەر تىزىمىنەن وقۋ ورنىن تاڭداۋعا مۇمكىندىگى بار.
جالپى العاندا, بيىل ماگيستراتۋرا جانە رەزيدەنتۋرا باعدارلامالارىنا 395 ستيپەنديا, دوكتورانتۋراعا 50 ستيپەنديا, تاعىلىمدامادان ءوتۋ ءۇشىن 110 ستيپەنديا ءبولىندى.
