Astana Hub باس ديرەكتورى ماعجان ماديەۆتىڭ ايتۋىنشا, Tech Orda ءىت-ماماندىققا وقىتۋ باعدارلاماسى اياسىندا بولىنگەن 3 067 گرانتتىڭ 39 پايىزىن ايەلدەر يەلەنگەن.
– ءبىزدىڭ تەحنوپارك ۇجىمىنداعى قىزداردىڭ ۇلەسى 61 پايىزعا تەڭ. ونىڭ ىشىندە 63 پايىزى – باسشىلىق قىزمەتتە. ياعني قازىرگى ۋاقىتتا ەڭبەك نارىعىنداعى گەندەرلىك تەڭدىك وزگەرىپ جاتىر. بىرنەشە جىل بۇرىن IT-سەكتور ەر ادامدارعا ارنالعان دەپ ەسەپتەلسە, قازىرگى جاعدايدا ونىڭ گەندەرگە باعىنبايتىنىن كورىپ وتىرمىز, – دەيدى ول.
Astana Hub ەكوجۇيەسىندەگى ايەلدەر باسقاراتىن IT-ستارتاپتاردىڭ باسىم بولىگى الەۋمەتتىك جانە EdTech سالاسىن دامىتۋعا باعىتتالعان. ماسەلەن, اسەم تاجيەۆا نەگىزىن قالاعان Ozim Platform الەۋمەتتىك ستارتابى ەرەكشە كۇتىمدى قاجەت ەتەتىن بالالارى بار وتباسىلارعا ءموبيلدى قوسىمشا, YouTube ارناسى جانە الەۋمەتتىك جەلىلەر ارقىلى ءبىلىم بەرىپ, اقپاراتتىق قولداۋ كورسەتەدى.
SmarTestPrep حالىقارالىق ەمتيحانعا دايىندىق جانە ۇسىنىستار جونىندەگى پلاتفورماسىنىڭ باس ديرەكتورى لاۋرا ۆايگوروۆا قولدانۋشىلارعا Spotify نەمەسە Netflix سياقتى ەڭ قولايلى ۋنيۆەرسيتەت پەن باعدارلامانى ۇسىناتىن 50 مىڭ ۋنيۆەرسيتەت پەن ستيپەنديالار تىزىمىنە نەگىزدەلگەن جۇيەنى ءساتتى دامىتىپ وتىر.
Qonzhyq App جوباسىنىڭ باس ديرەكتورى ايگەرىم يساتاەۆا فولكلوردى جاڭعىرتۋعا جانە قازاق ءتىلىن دامىتۋعا ارنالعان ءموبيلدى قوسىمشانى ىسكە قوسقان. ماقساتى – جاس ۇرپاقتىڭ قازاق ۇلتتىق مۋزىكاسىنا, ادەبيەتىنە, مادەنيەتىنە, سالت-داستۇرىنە, تىلىنە دەگەن قىزىعۋشىلىعىن وياتۋ.
سونداي-اق ايەلدەر نەگىزىن قالاعان IT-جوبالار جىلدام دامىپ, شەتەلدىك نارىققا دا شىعىپ جاتقان كورىنەدى. يانا شويبەكوۆا باسقاراتىن ەڭ ءىرى DOOH سمارتبورد جەلىسىن – Citix اقپاراتتىق-ناۆيگاتسيالىق جۇيەسىن تۇركيا مەن ءباا تۇرعىندارى قولدانىپ وتىر. Citix كومپانياسى ۇلتتىق تەحنولوگيالىق دامۋ اگەنتتىگىنىڭ «قازاقستانداعى ۇزدىك 10 يننوۆاتسيالىق جوبا» رەيتينگىنە ەنگەنىن ايتا كەتەيىك.
– كوپتەگەن كومپانيانىڭ تاجىريبەسىنە قاراساق, قىزمەتكەرلەردىڭ گەندەرلىك تەپە-تەڭدىگىن ساقتايتىن بيزنەس تابىستىراق بولادى. ايەلدەر IT-سالاسىن دامىتۋعا بەلسەندى قاتىسسا, سالا جىلدامىراق داميدى دەپ ويلايمىن. ەكونوميكانى جاڭا دەڭگەيگە كوتەرۋ ءۇشىن قوعامنىڭ الەۋەتىن دامىتىپ, ستەرەوتيپتەردەن ارىلىپ, ايەلدەردى اقپاراتتىق تەحنولوگيالار سالاسىنا كوبىرەك وقىتىپ, ىنتالاندىرۋ جانە جالاقىنى ارتتىرۋ ماڭىزدى, – دەيدى Astana Hub باسقارۋشى ديرەكتورى الينا ءابدىراحمانوۆا.
قازاقستاندا جىل سايىن اقپاراتتىق-كوممۋنيكاتسيالىق تەحنولوگيا سالاسىنا 30 مىڭ مامان قاجەت. قازىر ەلىمىزدەگى IT-مامانداردىڭ 31 پايىزى –ايەلدەر. Astana Hub قاتىسۋشىلارى ارۋلاردىڭ ۇجىمدى باسقارۋعا بارىنشا قابىلەتتى, اقپاراتتىق جانە الەۋمەتتىك تۇرعىدا ءتيىمدى جانە ورتا دەڭگەيدەگى لاۋازىمداعى ايەلدەرگە جاقسى ۇلگى ەكەنىن العا تارتىپ وتىر.
