سۋرەتتەردى تۇسىرگەن يۋري بەككەر
مىسالى, «بەلوسنەجكا» اتالاتىن شەدەۆردى ازىرلەۋ ءۇشىن ينگا نيكۋليچەۆا ءتورت تاۋلىك ۋاقىتىن جۇمساعان. ول – اۋەسقوي كونديتەر. قۇرامىنا قامىر, كارامەل, جەمىس-جيدەك, قانت قوسىلعان تورتتى دايىنداۋ ءۇشىن 35 مىڭ تەڭگەسىن جۇمساعان, الايدا بولگەن ۋاقىتىن, ەڭبەگىن, شىعارماشىلىق ىزدەنىسىن ەسەپتەگەندە, پىسىرگەن تورتىنىڭ نارىقتاعى باعاسى 100 مىڭ تەڭگەگە جۋىقتايدى. «اليسا عاجايىپتار ەلىندە» – ەڭ سۇيىكتى ەرتەگىلەرىمنىڭ ءبىرى, بۇل ونەرمەن اينالىسقانىما كوپ بولماسا دا, الدىمەن مەنى ءتانتى ەتكەن بەلوسنەجكا بەينەسىن دايىنداۋدى ۇيعاردىم», دەيدى ينگا. قازىر ول كونديتەر-ديزاينەرلەردىڭ حالىقارالىق بايقاۋىنا قاتىسۋعا دايىندالىپ ءجۇر.
16 ساۋىرگە دەيىن سوزىلاتىن كورمەگە كەلىپ تاتتىلەردى تاماشالايتىندار تورتتاردىڭ تاريحى تۋرالى قىزىقتى مالىمەتتەرگە قانىق بولىپ, تورتپەن بايلانىستى قىزىقتى ينتەراكتيۆتى باعدارلامالارعا قاتىسادى. سونداي-اق مۇندا بالالار تورتپەن بايلانىستى ويىن ويناپ, سۋرەتكە ءتۇسىپ, ۋاقىتىن قىزىقتى وتكىزۋگە, ءدام تاتىپ, شەبەرلىك سىنىبىنا قاتىسۋعا مۇمكىندىك الادى. شەبەرلىك سىنىبىندا اسپازدار ءاربىر كەلۋشىگە ماستيكپەن ساندەپ, ءوز شاعىن تورتىن ازىرلەۋگە كومەكتەسەدى, كۇردەلى رەتسەپتەردى جەڭىل ازىرلەۋدىڭ قىر-سىرىن ۇيرەتەدى.
تاعام تاريحىن زەرتتەۋشىلەر تورتتىڭ پايدا بولۋى تۋرالى ءتۇرلى بولجام ايتادى. ولاردىڭ ءبىرى تورتتى torta – «دوڭگەلەك نان» دەگەن ماعىناداعى يتاليان سوزىمەن بايلانىستىرادى. تورت بۇگىنگى يتاليانىڭ اۋماعىندا 2000 جىل بۇرىن پايدا بولعان دەسە, كەيبىر زەرتتەۋشىلەر گرەكيانى تورتتىڭ وتانى سانايدى. ەرتەدەگى اسپازدار تورتتىڭ سالماسى مەن بەزەندىرۋىنە جاڭعاق, كەپكەن جەمىس پەن بالدى پايدالانا وتىرىپ, قايناتىلعان ءداننىڭ ەزبەسىنەن دايىنداسا, شىعىس ايەلدەرى ءسۇت پەن كۇنجىت قوسىپ پىسىرگەن. الايدا تورت قانداي قوسپامەن ازىرلەنسە دە, بال تاتىعان ءتاتتى دامىنەن اجىرامايدى.
الماتى
