راديوكوپىرگە يراننىڭ «Pars Today» اقپارات اگەنتتىگىنىڭ قازاق ءتىلدى راديوسى, تۇركيانىڭ «Turkish Radio and Television Corporation» ۇيىمى, ازەربايجاننىڭ «Azərbaycan Radiosu», موڭعولياداعى «قازاق» راديوسىنىڭ وكىلدەرى, قىرعىز رەسپۋبليكاسىنىڭ قىرعىز راديوسى جانە وزبەكستاننىڭ «ۋزبەكيستان 24» تەلەراديو ارناسى مەن باشقۇرتستاننىڭ «يۋلداش» جانە تاتارستاننىڭ «بولگار» راديوارنالارى قاتىسادى دەپ جوسپارلانعان.
بۇل جايىندا «قازاق راديولارى» جشس باس رەداكتورى – «قازاق راديوسىنىڭ» ديرەكتورى دۋلات ابيبۋللاەۆ مالىمدەدى.
ايتا كەتۋ كەرەك, قازاق راديوسى ناۋرىز مەيرامى قارساڭىندا مۇنداي راديوكوپىردى ەكىنشى رەت ۇيىمداستىرىپ وتىر. بيىلعا حالىقارالىق جوباعا اتالعان 8 ەلدەن بولەك, ءتۇرلى مەملەكەتتەردە تۇرىپ جاتقان قانداستارىمىز دا قاتىسادى. شارانىڭ ماقساتى – باۋىرلاس ەلدەردىڭ, ونىڭ ىشىندە راديوارنا وكىلدەرىن تىكەلەي تولقىندا بىرىكتىرىپ, ناۋرىز مەيرامىن اتاپ ءوتۋ.
