نۇرلان ءابدىروۆ ءوزىنىڭ كىرىسپە سوزىندە اعىمداعى سايلاۋ ناۋقانىنىڭ ماڭىزدىلىعىن اتاپ ءوتىپ, سايلاۋ زاڭناماسىنىڭ جاڭالىقتارىنا جانە بىرمانداتتىق اۋماقتىق سايلاۋ وكرۋگتەرى مەن ساياسي پارتيالاردان كانديداتتاردى ۇسىنۋ جانە تىركەۋ كەزەڭدەرىنىڭ نەگىزگى قورىتىندىلارىنا ەگجەي-تەگجەيلى توقتالىپ ءوتتى.
سايلاۋ وتكىزۋ بويىنشا اتقارىلىپ جاتقان جۇمىستار تۋرالى وبلىستىق اكىمدىكتىڭ باسشىلىعى, پروكۋراتۋرانىڭ, پوليتسيانىڭ, جۇمىسپەن قامتۋ جانە الەۋمەتتىك باعدارلامالار باسقارماسىنىڭ وكىلدەرى جانە اۋماقتىق سايلاۋ كوميسسياسىنىڭ توراعاسى باياندادى.
نۇرلان ءابدىروۆ كوميسسيا مۇشەلەرىنىڭ نازارىن داۋىس بەرۋ كۇنى سايلاۋ ۋچاسكەلەرىندەگى مىنەز-ق ۇلىق ەرەجەلەرىن مىندەتتى تۇردە بىلۋگە اۋداردى جانە سايلاۋ پروتسەسىنىڭ بارلىق قاتىسۋشىلارى, سونىڭ ىشىندە بايقاۋشىلار, كانديداتتاردىڭ سەنىم بىلدىرىلگەن ادامدارى جانە باق داۋىس بەرۋگە ارنالعان ءۇي-جايعا كەلگەن ساتتەن باستاپ وسى ەرەجەلەردىڭ مازمۇنىمەن مىندەتتى تۇردە تانىسۋعا ءتيىس ەكەنىن اتاپ ءوتتى.
كەڭەس بارىسىندا وبلىس اكىمىنىڭ اپپارات باسشىسى شاحماردان بايمانوۆ وڭىردە 486 002 ازامات سايلاۋشىلار تىزىمىنە ەنگىزىلگەنىن اتاپ ءوتتى. ول سونداي-اق وبلىستا مۇگەدەكتىگى بار 20 324 سايلاۋشى بار ەكەنىن حابارلادى.
«ولار ءۇشىن بارلىق قاجەتتى جاعدايلار جاسالعان. ماسەلەن, 373 سايلاۋ ۋچاسكەسىنىڭ 368-ءى رەسپۋبليكالىق ينتەراكتيۆتى قولجەتىمدى كارتاسىنا ەنگىزىلگەن», دەدى اكىم.
