3 ناۋرىزدا ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمنىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسى الداعى قر پارلامەنتىنە سايلاۋدى بايقاۋ جونىندەگى ميسسيانىڭ ارالىق ەسەبىن جاريالادى.
«دەموكراتيالىق ينستيتۋتتار جانە ادام قۇقىقتارى جونىندەگى بيۋروسى بايقاۋشىلارىنىڭ ميسسياسى سايلاۋ پروتسەستەرىن ۇيىمداستىرۋ شارتتارىن جانە ولاردىڭ حالىقارالىق ستاندارتتارعا سايكەستىگىن تالدايدى. اتالعان ەسەپتە ساراپشىلار قازاقستاندا جۇزەگە اسىرىلعان سايلاۋ جۇيەسىنىڭ رەفورماسىنا وڭ باعا بەرىپ, ونىڭ كەيبىر ەرەجەلەرى دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنىڭ الدىڭعى ۇسىنىمدارىنا سايكەس كەلەتىنىن مالىمدەدى. اتاپ ايتقاندا, بۇل سايلاۋ شەگىن تومەندەتۋ, تىكەلەي داۋىس بەرۋ ارقىلى تولىق سايلاناتىن ءماجىلىستى ەنگىزۋ, سونداي-اق پارتيالاردى تىركەۋگە قويىلاتىن تالاپتاردى جەڭىلدەتۋ», دەدى ا.سمادياروۆ.
سونىمەن قاتار ورتالىق سايلاۋ كوميسسياسىنىڭ سايلاۋدى ۇيىمداستىرۋ جونىندەگى جۇمىسى وڭ باعالاندى. ينتەرنەتتە ءارى كوپتەگەن كانديداتتارى بار ءبىر مانداتتى سايلاۋ وكرۋگتەرىندە قىزۋ سايلاۋ ناۋقانى اتاپ وتىلگەن.
ەسەپتى ەۋروپاداعى قاۋىپسىزدىك جانە ىنتىماقتاستىق جونىندەگى ۇيىمىنىڭ سايتىندا تولىعىمەن كورۋگە بولادى.
