القالى جيىنعا ە.راحماديەۆ اتىنداعى ماف كوركەمدىك جەتەكشىسى گۇلميرا قۇتتىباداموۆا, ۇلتتىق دەلفي كوميتەتىنىڭ ديرەكتورى قۇرالاي تۇسپەكوۆا, سۋرەتشى, كۋراتور, گالەريست لەيلا ماحات, فيلارمونيانىڭ باس رەداكتورى زارينا مۇحامەدالى, شىعارماشىلىق ۇجىم جەتەكشىلەرى ارايلىم راحىم, روزا شوتقاليەۆا, سونداي-اق ايگۇل قوسانوۆا, جانار ءجۇسىپوۆا, سايدا قالىقوۆا, التىنشاش مۇقاتاەۆا سىندى ونەر مايتالماندارى قاتىستى.
كەزدەسۋ بارىسىندا ەلىمىزدىڭ مادەنيەتى مەن ونەرىن دامىتۋداعى ايەلدەردىڭ ءرولى تۋرالى باياندامالار وقىلىپ, پىكىر الماستى. دوڭگەلەك ۇستەل ايەلدەردىڭ شىعارماشىلىق باستاماسىنىڭ سيمۆولىنا اينالاتىن, قاتىسۋشىلاردى بىرىكتىرىپ, ولاردى «انا جاۋلىعى» اتتى حالىقارالىق مادەني-تانىمدىق جوبانىڭ ءبىر بولىگىنە اينالدىراتىن پەرفومانستى قامتيدى.
ايتا كەتەيىك, سۋرەتشى لەيلا ماحات الەمدى كارانتين شارپىعان كەزدە «انا جاۋلىعى» حالىقارالىق جوباسىنا باستاماشى بولعان ەدى. بۇگىن دە بۇل يدەيا وزەكتىلىگىن جوعالتقان جوق.
ء«ار مادەنيەتتىڭ ۇلتتىق كيىمى بار, ءار ۇلتتىق كيىمدە كوستيۋم ەلەمەنتى جانە ايەل, انا بولۋدىڭ سيمۆولى – ورامال بولادى. «اق ورامال – قازاق حالقى سالت-ءداستۇرىنىڭ كيەلى اتريبۋتى. اق ءتۇس انا ءسۇتىن, تازالىقتى, ادەپتىلىكتى بىلدىرەتىن قاسيەتتى ماعىناعا يە. كوپتەگەن قازاق وتباسىندا مۇرا بولىپ قالعان كيمەشەك جادىگەر رەتىندە ساقتالادى», دەيدى لەيلا ماحات.
