بۇل تۋرالى اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتىنىڭ جۇرەك-قان تامىرلارى حيرۋرگياسى كافەدراسىنىڭ مەڭگەرۋشىسى, الماتى قالالىق كارديولوگيالىق ورتالىق ديرەكتورى المات قوداسباەۆ ايتتى.
«جۇرەك-قان تامىر جۇيەسى اۋرۋلارى جاسارىپ بارادى. ءبىزدىڭ نەگىزگى كونتينگەنتىمىز 60-70 جاستان اسقان, بىراق كەيىنگى كەزدەرى جۇرەك اۋرۋلارىنىڭ ءارتۇرلى تۇرىمەن اۋىراتىندار ءجيى كەزدەسەدى. نەگىزگىسى, ارتەريالىق گيپەرتەنزيا – باقىلاۋسىز, سانى كوپ. تاعى ءبىرى ينفاركت - سترەسس, ەموتسيونالدىق كۇيزەلىس, زيان سۋسىنداردى شامادان تىس تۇتىنۋدان اعزانى شامادان تىس جۇكتەۋدىڭ سالدارى. بىزگە ەنەرگەتيكتەردى قولدانعاننان ءارتۇرلى جۇرەك اۋىتقۋى بار ناۋقاستار ءجيى كەلەدى», دەدى ا. قوداسباەۆ.
وكىنىشكە قاراي, ەنەرگەتيكالىق سۋسىنداردىڭ جۇرەككە اسەرى تۋرالى عىلىمي زەرتتەۋلەرگە جەتكىلىكتى كوڭىل بولىنبەيدى دەيدى مامان.
«وندىرۋشىلەر بۇل سۋسىن اعزاعا زيان دەپ سانامايدى. انامنەز جيناۋ كەزىندە پاتسيەنتتەر ەنەرگەتيكالىق سۋسىنداردى اسىرا پايدالانعانىن ايتادى. جۇرەك سوعۋ جيىلىگى وزگەرەدى, جالپى پاتولوگيا بايقالادى. ەنەرگەتيكالىق سۋسىندارعا تىيىم جوق, بىراق ءاربىر دەنساۋلىعىن قاداعالايتىن ادام جاقسى جارناماعا قاراماستان, ەنەرگەتيكالىق سۋسىنداردىڭ اعزاعا زيان ەكەنىن ءبىلۋى كەرەك», دەيدى كارديوحيرۋرگ.
مامان جامان ادەتتەردەن باس تارتۋدى, سالاۋاتتى ءومىر سالتىن ۇستانۋدى, جەيتىن تاعامنىڭ ساپاسىن قاتاڭ باقىلاۋدى ۇسىنادى.
