ۇلتتىق قۇراما قورجىنىندا 1 التىن, 1 كۇمىس جانە 1 قولا مەدال بار.
«ازيا بالالارى» حالىقارالىق قىسقى ويىندارى رەسەيدىڭ مەجدۋرەچەنسك قالاسىندا ءوتىپ جاتىر. 28 اقپاندا شاڭعى ترامپلينىنەن سەكىرۋ سايىسى ءوتتى. سپورتتىڭ بۇل تۇرىنەن كوپتەگەن ەلدەردەن كەلگەن 30-دان استام سپورتشى جۇلدەگە تالاستى.
«مۇنداي تۋرنيرلەرگە قاتىسۋ جانە جەڭىسكە جەتۋ جاسوسپىرىمدەرىمىز ءۇشىن قۇندى تاجىريبە. سونداي-اق بۇل ەلىمىزدە قىسقى سپورت تۇرلەرى دۇرىس باعىتتا دامىپ جاتقانىن كورسەتەدى. جاس سپورتشىلارعا شەبەرلىكتەرىن جەتىلدىرۋ جانە شىڭداۋ ءۇشىن مىقتى قارسىلاستارمەن باسەكەلەسۋ وتە ماڭىزدى. بالالاردى وسى جەتىستىكتەرىمەن قۇتتىقتايمىن جانە ولارعا بولاشاقتا دا جارقىن جەڭىستەر تىلەيمىن», دەدى قر مسم سپورت جانە دەنە شىنىقتىرۋ ىستەرى كوميتەتىنىڭ توراعاسى ەربول مىرزابوسىنوۆ.
