كەزدەسۋدە جەرگىلىكتى تۇرعىنداردىڭ ءبىرى پارتيا وكىلدەرىنە بۇگىنگى تاڭدا ەلىمىزدەگى اۋىل مۇعالىمدەرىنىڭ ءبىلىم بەرۋ كەلەشەگى مەن مۇمكىندىكتەرى تۋرالى ساۋال قويدى.
پارتيانىڭ تەڭ توراعاسى سىرىمبەك تاۋ اۋىل مۇعالىمدەرىنىڭ مارتەبەسىن قالامەن تەڭەستىرۋ كەرەكتىگىن ايتتى. سوندا اۋىلعا قونىس اۋدارۋشىلاردىڭ دا سانى ارتاتىنىن جەتكىزدى. «بىرىنشىدەن, قاعازباستىلىقتان باس تارتۋ كەرەك. ولار اۋىلداعى مۇعالىم بولسىن, دارىگەر بولسىن, بيۋروكراتيالىق ماسەلەلەر مەن الەۋمەتتىك جاعدايىنا الاڭداماي, تىكەلەي جۇمىسىمەن عانا اينالىسۋى كەرەك. سوندا عانا ءبىلىم بەرۋ مەن مەديتسينالىق قىزمەتتىڭ ساپاسى مىقتى بولادى», دەدى س.تاۋ.
بۇدان كەيىن ۇيىمداستىرىلعان كەزدەسۋلەردە ساپالى ءبىلىم, مادەني مۇرا, شاعىن جانە ورتا بيزنەستى دامىتۋ سياقتى ماڭىزدى ماسەلەلەر كوتەرىلدى.
«قىزىلوردا وبلىسىندا تاۋ-كەن ونەركاسىبى, مەتاللۋرگيا, ماشينا جاساۋ, حيميا ونەركاسىبى, جەڭىل جانە تاماق ونەركاسىبى ايتارلىقتاي قارقىندى دامىپ كەلەدى. بۇل – جۇزدەگەن جانە مىڭداعان جۇمىس ورنىن اشاتىن بيزنەستى دامىتۋدىڭ پەرسپەكتيۆالى باعىتتارى. «Respublica» پارتياسى رەتىندە ءبىز كاسىپورىنداردىڭ تەحنولوگيالىق دامۋىن جاقتايمىز, سوندىقتان ساپالى جۇمىس ورىندارىن قۇرۋعا جانە يننوۆاتسيالاردى ەنگىزۋگە بار كۇشىمىزدى سالامىز», دەدى پارتيا توراعاسى ايداربەك قوجانازاروۆ.
– ارقايسىمىز ءومىرىمىزدى قازاقستانمەن بايلانىستىرامىز. بۇل – ءبىزدىڭ وتانىمىز, ءبىز ونى قاستەرلەپ, ونىڭ دامۋىنا جان-جاقتى اتسالىسۋىمىز كەرەك. ەلدىڭ دامۋى ءۇشىن ەڭ الدىمەن ادام كاپيتالى ءبىرىنشى ورىنعا شىعۋى قاجەت. سايلاۋالدى باعدارلامامىزدا ءاربىر ازامات ساپالى ءبىلىم, ساپالى مەديتسينالىق كومەك الىپ, لايىقتى جۇمىسقا تۇرۋى ءۇشىن ەلىمىزدىڭ قانداي جولدان ءوتۋى كەرەكتىگىن ناقتىلاپ بەردىك. ال ءماجىلىس دەپۋتاتى بولا وتىرىپ, ءبىز وسى ايتىلعانداردىڭ بارلىعىنىڭ ورىندالۋىن جەدەلدەتەمىز», دەدى ءماجىلىس دەپۋتاتتىعىنا كانديدات ەكاتەرينا سمولياكوۆا.
