ء«بىر جىلعا جەتپەيتىن ۋاقىتتا پارتيالار ءۇشىن شىنايى باسەكەلەستىك ورتا قالىپتاستى, ازاماتتاردىڭ پارلامەنت پەن ماسليحاتتارعا ءوزىن-ءوزى ۇسىنۋىنا جول اشىلدى. مۇنى قولدا بار ستاتيستيكا دا دالەلدەپ وتىر. مىسالى, پارلامەنت سايلاۋىنا بارلىق جەتى ساياسي پارتيا قاتىسىپ جاتىر. ونىڭ ەكەۋى پارتيا تۋرالى زاڭناماعا وزگەرىستەر ەنگەننەن كەيىن تىركەلدى. سوندىقتان پارتيالار اراسىنداعى باسەكەلەستىك بۇل سايلاۋ كامپانياسىنىڭ نەگىزگى ەلەمەنتى بولماق.
ءماجىلىس دەپۋتاتى بولۋعا پارتيالىق ءتىزىم جانە ءبىر مانداتتى وكرۋگتەر بويىنشا بارلىعى 892 ازاماتتىڭ كانديداتۋراسى ۇسىنىلدى (ورتاشا ەسەپپەن 1 مانداتقا 9 ۇمىتكەردەن كەلەدى). سايلاۋعا قوعام قايراتكەرلەرى مەن ازاماتتىق بەلسەندىلەردىڭ كوپتەپ قاتىسىپ جاتقانى (ونىڭ ىشىندە, ادەتتە بيلىكتى سىناپ جۇرگەن ازاماتتار دا بار) ولاردىڭ جۇرگىزىلىپ جاتقان رەفورمالارعا سەنىمى مەن قولداۋىن بىلدىرەدى», دەپ جازدى ە. قارين.
سونداي-اق ول ەلىمىزدە سوڭعى جىلدارى ورىن العان بارلىق وزگەرىستەردى جۇرتشىلىقتىڭ قىزۋ قولداپ وتىرعانىن ايتقان.
قازاقستاننىڭ ستراتەگيالىق زەرتتەۋلەر ينستيتۋتىنىڭ مالىمەتىنشە, قازاقستاندىقتاردىڭ 71,7 پايىزى ەلىمىز دۇرىس باعىتتا دامىپ كەلە جاتىر دەپ سانايدى.
