تۇركيا پرەزيدەنتى رەجەپ تايىپ ەردوعان سەيسەنبى كۇنى گازيانتەپ پروۆينتسياسىنىڭ نۋرداعى قالاسىنا بارىپ, ءزىلزالا بولعان ايماقتا جاڭا تۇرعىن ۇيلەر بوي كوتەرەتىنىن ايتتى.
ء«بىر جىل ىشىندە 11 پروۆينتسيانىڭ قالالارىندا 200 مىڭعا دەيىن تۇرعىن ءۇي سالۋ جوسپارلانىپ وتىر. اپات ايماعىنداعى اۋىلداردا تاعى 70 مىڭ ءۇي سالىنادى», دەدى ەردوعان قالا تۇرعىندارىمەن كەزدەسۋ بارىسىندا.
تۇركيا پرەزيدەنتى اپات ايماعىنداعى جاعداي تولىق تەكسەرىلگەن سوڭ سالىناتىن تۇرعىن ۇيلەردىڭ ناقتى سانى انىقتالاتىنىن اتاپ ءوتتى.
ايتا كەتسەك, سوڭعى اپتالاردا گازيانتەپ پروۆينتسياسىنان 87 مىڭ تۇرعىن ەلدىڭ باسقا ايماقتارىنا ەۆاكۋاتسيالانعان.
