اشىق نقا پورتالىندا جۇمىس ىستەپ جۇرگەن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي بەرۋ قاعيدالارىنا وزگەرىس ەنگىزۋ تۋرالى بۇيرىق جوباسى جاريالاندى.
جوبا ازىرلەۋشىلەرى 2020-2025 جىلدارعا ارنالعان «نۇرلى جەر» مەملەكەتتىك باعدارلاماسىنىڭ كۇشى جويىلعاندىقتان, ساتىپ الۋ قۇقىعىنسىز پاتەر جالدايتىن جۇمىسشى جاستارعا قويىلاتىن تالاپتاردى بەكىتۋ قاجەت دەيدى. ونىمەن قوسا 2023 جىلدان باستاپ 35 جاسقا دەيىنگىلەر «جاستار» ساناتىنا كىردى.
جاستارعا قانداي تالاپتار قويىلادى؟
جوبادا نەگىزگى تالاپتار جازىلعان. ولار:
- 35 جاسقا تولماعان, ورتا جانە جوعارى ءبىلىمى بار جۇمىس ىستەيتىن قر ازاماتتارى;
- سول ەلدى مەكەندە كەمىندە سوڭعى ءۇش جىل تۇراقتى تىركەلگەن;
- وتباسى مۇشەلەرى وسى ەلدى مەكەندە تۇراقتى تىركەلگەن;
- قر اۋماعىندا, اۆاريالىق جاعدايداعى, قۇلاۋ (قيراۋ) قاۋپى بار تۇرعىن ۇيلەردى قوسپاعاندا, ءوتىنىش بەرۋشىنىڭ, جۇبايىنىڭ (زايىبىنىڭ), كامەلەتكە تولماعان بالالارىنىڭ مەنشىك قۇقىعىندا ءوتىنىش بەرگەنگە دەيىن سوڭعى بەس جىل ىشىندە تۇرعىن ءۇيدىڭ بولماۋىن راستاۋ.
كونكۋرس قانداي كەزەڭدەردەن تۇرادى؟
كونكۋرس بەس كەزەڭنەن تۇرادى:
- ۋاكىلەتتى ورگان جۇمىس ىستەپ جۇرگەن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ تۋرالى حابارلاندىرۋ جاسايدى;
- حابارلاندىرۋدا كورسەتىلگەن مەرزىمدەردە وتىنىشتەر قابىلدانادى;
- ۋاكىلەتتى ورگان قۇجاتتاردىڭ تالاپتارعا سايكەستىگىن تەكسەرەدى;
- ۋاكىلەتتى ورگان ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ تۋرالى شەشىم قابىلدايدى;
- وبلىستىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگان ءوتىنىش بەرۋشىمەن تۇرعىنجايدى جالداۋ شارتىن جاساسادى.
كونكۋرسقا قاتىسۋعا قانداي قۇجاتتار قاجەت؟
ءوتىنىش بەرۋشى ۋاكىلەتتى ورگانعا كەلەسى قۇجاتتاردى ۇسىنادى:
- ءوزىنىڭ جانە وتباسى مۇشەلەرىنىڭ جەكە باسىن كۋالاندىراتىن قۇجاتتىڭ كوشىرمەلەرى (تۇپنۇسقا جەكە باسىن سايكەستەندىرۋ ءۇشىن ۇسىنىلادى);
- ءبىلىمى تۋرالى قۇجاتتىڭ كوشىرمەسى;
- نەكە قيۋ تۋرالى كۋالىكتىڭ كوشىرمەسى (بولسا);
- بالالاردىڭ تۋ تۋرالى كۋالىكتەرىنىڭ كوشىرمەسى (بولسا);
- ءوتىنىش بەرۋشى مەن ونىڭ وتباسى مۇشەلەرىنىڭ اتىندا جىلجىمايتىن م ۇلىك جوقتىعى تۋرالى انىقتاما;
- جۇمىس ورنىنان انىقتاما;
- سوڭعى 6 ايداعى تابىسى تۋرالى انىقتاما: تابىسى 40 اەك-تەن (138 مىڭ تەڭگە) كەم جانە 150 اەك-تەن (517 500 تەڭگە) اسپاۋعاء تيىس.
- ەڭبەك ءوتىلىن راستايتىن قۇجاتتار;
- بانكتە ەسەپشوتىنىڭ بولۋى جانە ءنومىرى تۋرالى انىقتاما, وعان قوسا بانكتەگى شوتى بويىنشا اقشانىڭ قالدىعى جانە قوزعالىسى تۋرالى ءۇزىندى كوشىرمە;
- ءوتىنىش بەرۋشىنىڭ ءتۇرلى قىزمەت سالالارىنداعى جەكە جەتىستىكتەرىن راستايتىن قۇجاتتار (بولسا);
- سوڭعى 6 ايداعى جەكە زەينەتاقى شوتىنان ءۇزىندى كوشىرمە;
- جەكە كاسىپكەر بولسا جەكە كاسىپكەر رەتىندە تىركەلگەنى تۋرالى حابارلاما (كۋالىك);
- جەكە كاسىپكەر رەتىندەگى قىزمەتتىڭ سوڭعى جىلىنداعى تابىس سالىعى بويىنشا دەكلاراتسيا.
قاجەت بولعان جاعدايدا ۋاكىلەتتى ورگان ءوتىنىش بەرۋشى جانە ونىڭ وتباسى مۇشەلەرى تۋرالى مالىمەتتەردى ناقتىلاۋ ءۇشىن قوسىمشا قۇجاتتاردى سۇراتادى.
ءوتىنىش پەن قۇجاتتار ۋاكىلەتتى ورگانعا مەملەكەتتىك ورگانداردىڭ ينتەرنەت-رەسۋرستارىنىڭ بىرىڭعاي پلاتفورماسى ارقىلى بەرىلەدى.
قۇجاتتاردى قاراۋ مەن شەشىم شىعارۋ قانشا ۋاقىتتى الادى؟
قۇجاتتاردى قابىلداۋ اياقتالعان سوڭ سوڭ ۋاكىلەتتى ورگان 15 جۇمىس كۇنى ىشىندە (قازىر بەس جۇمىس كۇنى) قۇجاتتاردىڭ تولىق جانە تالاپتارعا سايكەستىگىن تەكسەرەدى. بۇرىن بەس جۇمىس كۇنى ىشىندە تەكسەرەتىن.
ءوتىنىش بەرۋشى قۇجاتتاردى تولىق وتكىزبەسە وعان جوق قۇجاتتاردى ۇسىنۋ تۋرالى حابارلاما جىبەرىلەدى. جوق قۇجاتتاردى ەكى جۇمىس كۇنى ىشىندە تاپسىرماسا ۋاكىلەتتى ورگان ءوتىنىشتى قايتارادى.
ءوتىنىش بەرۋشى تالاپتارعا سايكەس كەلمەسە ۋاكىلەتتى ورگان ساتىپ الۋ قۇقىعىنسىز جالعا بەرىلەتىن تۇرعىنجاي بەرۋدەن جازباشا تۇردە باس تارتادى. حاتقا قول قويىلعانعا دەيىن ءۇش جۇمىس كۇنىنەن كەشىكتىرمەي حابارلاما جىبەرىلەدى. ءوتىنىش بەرۋشى حاتتى العاننان كەيىن ەكى جۇمىس كۇنىنەن كەشىكتىرمەي شەشىمگە قارسى ەكەنىن بىلدىرە الادى.
ۋاكىلەتتى ورگان 15 جۇمىس كۇنى ىشىندە (قازىر 10 جۇمىس كۇنى) بالداردى ەسەپتەپ, ەڭ كوپ بالل سانى بويىنشا ءوتىنىش بەرۋشىلەردىڭ ءتىزىمىن جاسايدى.
ۋاكىلەتتى ورگان شەشىم شىعارعاننان كەيىن بەس جۇمىس كۇنى ىشىندە ىرىكتەۋ ناتيجەلەرىن ءوزىنىڭ ينتەرنەت-رەسۋرسىندا جاريالايدى, سونداي-اق ءوتىنىش بەرۋشىلەرگە قابىلدانعان شەشىم تۋرالى حابارلاما جىبەرەدى.
ساتىپ الۋ قۇقىعىنسىز جالعا بەرىلەتىن تۇرعىنجاي العان ازاماتتار شارت نەگىزىندە تۇرعىن ۇيلەرگە جىبەرىلەدى.
ۋاكىلەتتى ورگان شەشىم قابىلداعاننان كەيىن 15 كۇنتىزبەلىك كۇن ىشىندەء وتىنىش بەرۋشى مەن ۋاكىلەتتى ورگان اراسىندا شارت جاسالادى.
بالل قالاي ەسەپتەلەدى؟
بالل كەلەسى تارتىپپەن ەسەپتەلەدى:
- كاسىبى 100 سۇرانىسقا يە ماماندىقتار تىزىمىنە كىرسە – 10 بالل;
- وتباسىلى بولسا – 5 بالل;
- ءبىر بالا بولسا – 1 بالل, ودان كەيىنگى ءار بالا ءۇشىن – 2 بالل;
- كەمىندە ءبىر جىل جەكە كاسىپكەرلىك قىزمەتتى جۇزەگە اسىرسا – 5 بالل, ءار جىل ءۇشىن – 1 بالل;
- ءتۇرلى قىزمەت سالالارىندا جەكە جەتىستىكتەر ءۇشىن – 2 بالل;
- مەملەكەتتىك مەكەمەلەر مەن مەملەكەتتىك كاسىپورىنداردا جۇمىس ىستەگەنى ءۇشىن – 5 بالل, ءار جىلداعى ەڭبەك ءوتىلى ءۇشىن – 1 بالل;
- دەپوزيتتەردەگى جيناقتارىنىڭ ءاربىر جىلى ءۇشىن جانە شوتتا كەمىندە 40 اەك قالدىق بولسا – 2 بالل.
بالدار تەڭ تۇسسە ءوتىنىمدى بۇرىنىراق تاپسىرعان ۇمىتكەرلەرگە ارتىقشىلىق بەرىلەدى.
بۇرىن نەكەدە تىركەلگەن ءاربىر جىل ءۇشىن 2 بالل بەرىلەتىن. جوبادا بۇل جوق.
جولداما العان جاستارعا بەرىلەتىن پاتەر اۋدانى قالاي انىقتالادى؟
بولىنەتىن تۇرعىن ءۇيدىڭ جالپى اۋدانى كونكۋرس قورىتىندىسى بويىنشا قويىلعان بالدار جانە ءوتىنىش بەرۋشىنىڭ بالالارىنىڭ سانى بويىنشا ايقىندالادى.
ساتىپ الۋ قۇقىعىنسىز جالعا بەرىلەتىن تۇرعىن ءۇيدىڭ:
- 60%-ى – نەكەدە تۇرعان ءوتىنىش بەرۋشىلەرگە;
- 40%-ى – نەكەدە تۇرماعان ءوتىنىش بەرۋشىلەرگە بەرىلەدى.
پاتەردى قانشا ۋاقىت جالعا الىپ تۇرۋعا بولادى؟
بۇيرىق جوباسىندا پاتەرلەر ساتىپ الۋ قۇقىعىنسىز ءۇش جىلعا جالعا بەرىلەتىنى جازىلعان. قولدانىستاعى بۇيرىق بويىنشا بەس جىلعا بەرىلدى.
