بۇل بۋندەستاگتىڭ حح شاقىرىلىمىنداعى «گەرمانيا - ورتالىق ازيا» پارلامەنتتىك توبى مۇشەلەرىنىڭ قازاقستانعا جانە ورتالىق ازيا وڭىرىنە العاشقى ساپارى بولىپ وتىر.
قازاقستاندىق سەناتور پالاتا قىزمەتىنىڭ نەگىزگى باعىتتارى جانە رەسپۋبليكانىڭ ساياسي وزگەرىستەرى تۋرالى ەۋروپالىق ارىپتەستەرىنە ايتىپ بەردى.
كەزدەسۋ بارىسىندا قازاقستان مەن گەرمانيا اراسىنداعى ىنتىماقتاستىقتىڭ جاي-كۇيى مەن كەلەشەگى تالقىلاندى. وعان ەلءىمىزدىڭ پرەزيدەنتى قاسىم-جومارت توقاەۆتىڭ 2019 جانە 2020 جىلدارداعى گەرمانياعا ساپارلارى جاڭا سەرپىن بەرگەن بولاتىن.
دەپۋتاتتار ەكونوميكالىق جانە مادەني-گۋمانيتارلىق سالاداعى ىنتىماقتاستىقتىڭ باسىم باعىتتارىن اتاپ ءوتتى.
- «قازاقستان - گەرمانيا» جانە «گەرمانيا -ورتالىق ازيا» پارلامەنتتىك دوستىق توپتارىنىڭ ەلدەرىمىز اراسىنداعى بايلانىستارى مەن ءوزارا تۇسىنىستىكتى نىعايتۋعا ىقپال ەتەتىن ناتيجەلى ءوزارا ءىس-قيمىلىن اتاپ ءوتۋ ماڭىزدى. ءبىز وسىعان بايلانىستى بۋندەستاگتىڭ دەپۋتاتتار توبىنىڭ جاڭا قۇرامىمەن وتكەن ونلاين-كەزدەسۋدىڭ قورىتىندىلارىن جوعارى باعالايمىز. سونىمەن قاتار ەكى ەلدىڭ پارلامەنت كوميتەتتەرى اراسىندا تىكەلەي بايلانىس ورناتۋدى ۇسىنامىن», - دەدى اسقار شاكىروۆ.
تاراپتار قازاقستان مەن گەرمانيانىڭ, سونىمەن قاتار حالىقارالىق ۇيىمداردىڭ الاڭىندا پارلامەنتارالىق ءوزارا ءىس-قيمىلدى نىعايتۋعا دايىن ەكەندىكتەرىن ءبىلدىردى.
