فوتو: اشىق دەرەككوز
الداعى كۇندەرى قازاقستان اۋماعىنداعى اۋا رايىن ەكى باريكالىق ءتۇزىلىم ايقىندايدى. ەلدىڭ باتىس جانە وڭتۇستىك وڭىرلەرى وڭتۇستىك تسيكلوننىڭ ىقپالىندا بولادى. بۇل وڭىرلەردە نايزاعاي ويناپ, وتكىنشى جاڭبىر جاۋادى, ال 18 مامىردا باتىستا قاتتى جاڭبىر مەن بۇرشاق جاۋى ىقتيمال.
16-17 مامىر تۇندەرى اتموسفەرالىق فرونتتاردىڭ وتۋىنە بايلانىستى ەلدىڭ سولتۇستىگى مەن شىعىسىندا جاۋىن-شاشىن (جاڭبىر, قار) بولجانادى. رەسپۋبليكا بويىنشا جەل كۇشەيىپ, وڭتۇستىكتە شاڭدى داۋىل بولادى. سولتۇستىك پەن شىعىستا تۇنگى جانە تاڭعى ساعاتتاردا تۇمان تۇسەدى.
تۇنگى ۋاقىتتا ەلدىڭ سولتۇستىگىندە, شىعىسىندا جانە ورتالىعىندا 1-6 گرادۋسقا دەيىن ۇسىك ءجۇرۋى مۇمكىن.
كۇندىزگى اۋا تەمپەراتۋراسى:
- باتىستا +30…+37°C-تان +25…+30°C-قا دەيىن تومەندەيدى;
- سولتۇستىك-باتىستا +25…+30°C;
- سولتۇستىكتە +20…+30°C-تان +15…+20°C-قا دەيىن تومەندەيدى;
- ورتالىقتا +25…+30°C-تان +29…+34°C-قا دەيىن جوعارىلايدى;
- شىعىستا +12…+20°C;
- وڭتۇستىكتە +30…+35°C-تان +33…+40°C-قا دەيىن جوعارىلايدى;
- وڭتۇستىك-شىعىستا +18…+25°C-تان +25…+32°C-قا دەيىن كوتەرىلەدى.
