فوتو: اشىق دەرەككوز
قازاقستان فۋتزال چەمپيوناتىنىڭ 2025-2026 جىلعى ماۋسىمىنىڭ اياقتالۋىنا ەكى تۋر قالسا دا, كوشباسشى مەرزىمىنەن بۇرىن انىقتالدى. تۋرنير كەستەسىندە ءبىرىنشى ورىندا تۇرعان «سەمەي» 42 ماتچتان كەيىن 113 ۇپاي جيناعان. ال ەكىنشى ورىندا كەلە جاتقان الماتىلىق «قايرات» ءدال وسىنداي ويىن سانىنان كەيىن 100 ۇپاي ەنشىلەدى.
قازىرگى تاڭدا «قايرات» – قازاقستاننىڭ 21 دۇركىن چەمپيونى ءارى ەل چەمپيونى اتاعىنىڭ يەگەرى. كوماندا بۇل اتاقتى قورعاپ قالۋدى كوزدەپ وتىر.
وسىعان بايلانىستى 14 مامىر كۇنى «قايرات» برازيليالىق باپكەر دانيەليا جۋنيورمەن كەلىسىمشارتتىڭ «وتباسىلىق جاعدايلارعا جانە تاراپتاردىڭ ءوزارا كەلىسىمىنە بايلانىستى» توقتاتىلعانىن مالىمدەدى.
دانيەل جۋنيور كومانداعا 2025-2026 جىلعى ماۋسىمنىڭ باسىندا قوسىلىپ, «قايراتپەن» بىرگە قازاقستان سۋپەركۋبوگىن جەڭىپ الدى. سونداي-اق كلۋبتى چەمپيوندار ليگاسىنىڭ شيرەك فينالىنا دەيىن جەتكىزدى.
ايتا كەتەيىك, «قايرات» فۋتزالدان ۋەفا چەمپيوندار ليگاسىن ەكى رەت جەڭىپ العان: 2013 جانە 2015 جىلدارى.
ەسكە سالا كەتەيىك, بۇعان دەيىن «قايرات» فۋتبول كلۋبىنىڭ بۇرىنعى ويىنشىسى ستاس پوكاتيلوۆ ءازىربايجان كۋبوگىنىڭ يەگەرى اتانعانىن جازعان ەدىك.
