− «اۋىل» پارتياسى 2023 جىلدىڭ 4 اقپانىندا پارتيالىق ءتىزىمدى بەكىتۋگە ۇسىندى. سايلاۋعا تۇسەتىن ازاماتتاردىڭ پارتيالىق تىزىمگە ەنگىزۋگە كەلىسىم بەرۋ تۋرالى وتىنىشتەرى, تىزىمگە ەنگىزىلگەن ءاربىر كانديداتتىڭ ومىرباياندىق دەرەكتەرى مەن ونى راستايتىن قۇجاتتارى قابىلداندى, − دەدى وسك مۇشەسى اسىلبەك سماعۇلوۆ.
ءاربىر كانديداتتىڭ پارتياعا مۇشەلىگىن راستايتىن قۇجاتتارىمەن قوسا, جۇبايلارىنىڭ 2023 جىلعى 1 قاڭتارداعى جاعداي بويىنشا اكتيۆتەرى مەن مىندەتتەمەلەرى تۋرالى مەملەكەتتىك كىرىس ورگانىنىڭ انىقتامالارى ۇسىنىلدى. ال مۇگەدەكتىگى بار كانديداتتار مۇگەدەكتىگى تۋرالى قوسىمشا انىقتامانى ۇسىندى. «اۋىل» پارتياسىنان 25 ادام سايلاۋعا تۇسەدى. كانديداتتاردىڭ 40 پايىزى ايەلدەر مەن جاستار.
وسك مالىمەتتەرى بويىنشا, ءماجىلىس سايلاۋىنا جەتى پارتيا جىبەرىلدى:
- «اق جول» دەموكراتيالىق پارتياسى
- «جالپىۇلتتىق سوتسيال-دەموكراتيالىق» پارتياسى
- «بايتاق» جاسىلدار پارتياسى
- «اۋىل» حالىقتىق-دەموكراتيالىق پاتريوتتىق پارتياسى
- «Respublica» پارتياسى
- «Amanat» پارتياسى
بۇعان دەيىن ورتالىق سايلاۋ كوميسسياسى قكپ, جسدپ جانە «اق جول» قدپ پارتيالىق تىزىمدەرىن تىركەگەن بولاتىن.
ەسكە سالا كەتەيىك, قازاقستاندا پارلامەنت ءماجىلىسى مەن بارلىق دەڭگەيدەگى ءماسليحاتتار دەپۋتاتتارىنىڭ سايلاۋى 2023 جىلعى 19 ناۋرىزدا وتەدى.
