وقۋ-اعارتۋ مينيسترلىگى بالالاردىڭ قۇقىعىن قورعاۋ كوميتەتىنىڭ مالىمەتىنشە, پەتروپاۆل قالاسىنداعى مەكتەپتە بولعان وقيعاعا بايلانىستى ارنايى كوميسسيا قۇرىلعان.
«كوميسسيا قۇرامىنا بالالاردىڭ قۇقىقتارىن قورعاۋ كوميتەتى, ءبىلىم سالاسىندا ساپانى قامتاماسىز ەتۋ دەپارتامەنتى, سولتۇستىك قازاقستان وبلىسى ءبىلىم باسقارماسىنىڭ وكىلدەرى بار. ايتا كەتەيىك, مەكتەپتە قاۋىپسىزدىكتى قامتاماسىز ەتۋ ءۇشىن ورناتىلعان بەينەباقىلاۋ كامەرالارى مەن دابىل تۇيمەسى جۇمىس ىستەيدى. قازىرگى ۋاقىتتا وقيعانىڭ ءمان-جايى انىقتالىپ جاتىر. سونىمەن قاتار وبلىستىق, رەسپۋبليكالىق ماڭىزى بار قالالاردىڭ ءبىلىم باسقارمالارىنا ەلىمىزدىڭ بارلىق جالپى ءبىلىم بەرەتىن مەكتەپتەرىندە قاۋىپسىزدىكتى تەكسەرۋ جۇمىسى تاپسىرىلدى», دەلىنگەن حابارلامادا.
ايتا كەتەيىك, بۇگىن پەتروپاۆلدا 9-سىنىپ وقۋشىسى مەكتەپكە بالتا مەن پىشاق الىپ كەلىپ, بىرنەشە وقۋشىنى جاراقاتتاعان ەدى. قازىر ەكى ءجاسوسپىرىم باسى مەن بىلەگىنەن پىشاق جاراقاتىن الىپ, بالالار اۋرۋحاناسىندا جاتىر. ءۇشىنشىسى وقيعا ورنىندا مەديتسينالىق كومەك العان. مەكتەپتە تەرگەۋ توبى جۇمىس ىستەپ جاتىر.
سولتۇستىك قازاقستان وبلىسىنىڭ پوليتسيا دەپارتامەنتى مەكتەپ وقۋشىلارىنا شابۋىل جاسادى دەگەن كۇدىكپەن ءجاسوسپىرىمنىڭ ۇستالعانىن حابارلادى.
