مينيسترلىكتىڭ ءباسپاسوز قىزمەتى ءمالىم ەتكەندەي, حابارلاما 8 الەۋمەتتىك توپتىڭ وكىلدەرىنە جىبەرىلەدى. ءار جاس توبى بويىنشا 1 000 SMS-حابارلاما جىبەرۋ جوسپارلانعان. ولاردىڭ قاتارىندا جۇمىسسىز رەتىندە تىركەلگەندەر, كوپبالالى وتباسىلار, ااك الۋشىلار, «كۇمىس القا» مەن «التىن القا» العان انالار بار.
اسقار نيازوۆتىڭ ايتۋىنشا, ازامات حابارلاما ارقىلى جۇمىس ىزدەپ, ءبىلىمدى جەتىلدىرۋ نەمەسە الەۋمەتتىك جاردەماقى الۋ بويىنشا اقپارات الادى. قوسىمشا اقپارات قاجەت بولسا, حابارلامامەن قوسا جىبەرىلگەن سىلتەمەنى باسۋ قاجەت.
«بۇعان دەيىن مينيسترلىك جۇمىسسىز جۇرگەن ازاماتتاردىڭ ءوتىنىش بەرگەنىن كۇتىپ وتىراتىن بولسا, ەندى ولاردىڭ تەلەفونىنا ءوزىمىز حابارلاما جىبەرە الامىز», دەدى دەپارتامەنت ديرەكتورى اسقار نيازوۆ.
نيازوۆتىڭ ايتۋىنشا, قازىر رەسپۋبليكا بويىنشا جاستار اراسىنداعى جۇمىسسىزدىق كورسەتكىشى 3,8 پايىزدى نەمەسە 80 مىڭ ادامدى قۇرايدى. ولاردىڭ باسىم بولىگى تۇركىستان, جامبىل وبلىستارى مەن الماتى قالاسىندا تۇرادى.
رەسمي اقپاراتقا سايكەس, حابارلاما تەك 1414 نومىرىنەن كەلەدى.
