سەناتتا الەۋمەتتىك كودەكس تانىستىرىلدى. ونداعى جاڭالىقتاردىڭ قاتارىندا ءار وتباسىندا تسيفرلىق كارتاسىنىڭ بولاتىنى، جۇمىسپەن قامتۋ سالاسىنا جاڭا تاسىلدەردى ەنگىزۋ، ارناۋلى الەۋمەتتىك قىزمەتتەر جۇيەسىن جەتىلدىرۋ بار.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى نۇرتورە ءجۇسىپتىڭ ايتۋىنشا، الەۋمەتتىك كودەكس – بۇل ەلدەگى الەۋمەتتىك ساياساتتى جاقسارتۋ جولىنداعى تاعى ءبىر قادام بولىپ وتىر. سەناتور قۇجاتتا حالىقارالىق دەڭگەيدە مويىندالعان جانە بەلگىلەنگەن جاڭالىقتار جازىلعانىن اتاپ ءوتتى.
«الەۋمەتتىك كودەكس جوباسىندا انا مەن بالانى ۇلتتىق دەموگرافيالىق ساياساتتىڭ فاكتورى رەتىندە قولداۋ تەتىكتەرى، ەڭبەك نارىعىن دامىتۋدى ۇيىمداستىرۋ جانە جۇمىسقا ورنالاسۋعا كومەك كورسەتۋ، از قامتىلعان وتباسىلاردىڭ ماتەريالدىق ءال-اۋقاتىن ارتتىرۋعا كومەكتەسۋ، ارناۋلى الەۋمەتتىك قىزمەتتەر جۇيەسىن جەتىلدىرۋ، مۇگەدەكتىگى بار ادامداردى الەۋمەتتىك قورعاۋ جانە ت.ب. بويىنشا جاڭا شارالار كوزدەلگەن»، دەدى سەناتور.
ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا تانىستىرۋ كەزىندە كودەكستەگى نەگىزگى جاڭالىقتار تۋرالى پارلامەنتشىلەردى حاباردار ەتتى. ولاردىڭ قاتارىندا الەۋمەتتىك قىزمەت كورسەتۋ جۇيەسىن وزگەرتۋ، مەملەكەتتىك قولداۋدىڭ جاڭا تۇرلەرى، الەۋمەتتىك ساقتاندىرۋ مەن زەينەتاقىلاردىڭ جاقسارتىلعان جۇيەسى جانە باسقالارى بار.
تانىستىرۋ بارىسىندا قاتىسۋشىلار قازىرگى ۋاقىتتا يكەمدى جۇمىسپەن قامتۋ، جاس جۇمىس كۇشىنىڭ كوبەيۋى، الەۋمەتتىك قامسىزداندىرۋ جۇيەسىنە ءوزىن-ءوزى جۇمىسپەن قامتىعانداردىڭ تولىق قاتىسپاۋ ماسەلەلەرى بار ەكەنىن اتاپ ءوتتى.
«تاعى ءبىر ماڭىزدى وزگەرىس – 2025 جىلدان باستاپ اتاۋلى الەۋمەتتىك كومەك تاعايىنداۋ ءۇشىن كەدەيلىك شەگى ەڭ تومەنگى كۇنكورىس دەڭگەيىنىڭ ورنىنا مەدياندىق تابىس دەڭگەيى ارقىلى انىقتالادى»، دەدى تامارا دۇيسەنوۆا.
مينيسترلىك باسشىسى بۇل ماسەلەلەردى شەشۋ ءۇشىن كودەكستە ەڭبەك نارىعىن ىرىقتاندىرۋ تەتىكتەرى، جۇمىس كۇشىنىڭ تاجىريبە-داعدىسىن ارتتىرۋ، سونداي-اق جۇمىس ىستەپ تۇرعان جۇمىسپەن قامتۋ ورتالىقتارىن ءموبيلدى ورتالىقتارعا اينالدىرۋ ۇسىنىلعانىن حابارلادى.
جالپى العاندا كودەكس جوباسىندا قازاقستاننىڭ الەۋمەتتىك سالاسىن نىعايتۋ مەن دامىتۋ ءۇشىن بازالىق جاعدايلار جاساۋعا باعىتتالعان 50-دەن استام زاڭعا وزگەرىس پەن تولىقتىرۋ كوزدەلگەن.
قوعام • بۇگىن، 21:22
سپورت • بۇگىن، 21:21
اسكەر • بۇگىن، 21:20
اسكەريلەردىڭ الەۋمەتتىك الەۋەتى
اسكەر • بۇگىن، 21:19
ايماقتار • بۇگىن، 21:17
قوعام • بۇگىن، 21:16
ۇقساس جاڭالىقتار
