ءىىم ءباسپاسوز قىزمەتى ناقتىلاعانداي, ساپاردىڭ ماقساتى - اقش-تىڭ پوليتسيا مەن الەۋمەتتىك باعدارلانعان پوليتسيا دايارلاۋ تاجىريبەسىن ۇيرەنۋ.
قازاقستان پوليتسەيلەرى دەلاۆەر, ۆيردجينيا شتاتتارى پوليتسياسىنىڭ جانە مونتگومەري وكرۋگىنىڭ پوليتسيا باسقارماسىنىڭ ارىپتەستەرىمەن كەزدەستى. قازاقستاننان كەلگەن قۇقىق قورعاۋ ورگاندارىنىڭ قىزمەتكەرلەرى كانديداتتاردى ىرىكتەۋ جانە جالداۋ پروتسەستەرى, جاڭا جانە قولدانىستاعى قىزمەتكەرلەردى وقىتۋ بويىنشا وقۋ باعدارلامالارى, سونداي-اق قوعامداستىققا باعدارلانعان پوليتسيا قىزمەتىن ۇيىمداستىرۋ تاسىلدەرى تۋرالى اقپارات الدى.
«ەسىرتكىگە قارسى كۇرەس اكادەمياسىندا جانە فەدەرالدى تەرگەۋ بيۋروسىنىڭ اكادەمياسىندا كەزدەسۋلەر كەزىندە كاسىبي دايىندىق پەن ءتيىستى پوليتسيا ينفراقۇرىلىمىنا ەرەكشە نازار اۋدارىلدى», دەپ حابارلادى ءىىم ءباسپاسوز قىزمەتى.
ايتا كەتسەك, تاعىلىمدى ساپاردى اقش-تىڭ حالىقارالىق ەسىرتكى اينالىمىنا جانە قۇقىق قورعاۋ قىزمەتىنە قارسى كۇرەس جونىندەگى مەملەكەتتىك دەپارتامەنتىنىڭ بيۋروسى جانە اقش-تىڭ قازاقستانداعى ەلشىلىگى ۇيىمداستىردى.
ايتولعان ءجۇنىسحان,
ل.ن.گۋميلەۆ اتىنداعى ەۇۋ ستۋدەنتى
