ەرمەك كوشەرباەۆ رەسەيدىڭ جەتەكشى جوو باسشىلارىمەن كەزدەستى

كەزدەسۋگە «ماسكەۋ بولات جانە قورىتپالار ينستيتۋتى» ۇلتتىق عىلىمي-زەرتتەۋ تەحنولوگيالىق ۋنيۆەرسيتەتىنىڭ رەكتورى الەۆتينا چەرنيكوۆا، رەسەي حالىقتار دوستىعى ۋنيۆەرسيتەتىنىڭ رەكتورى ولەگ حوسترەبوۆ، ي.م.گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتىنىڭ رەكتورى ۆيكتور مارتىنوۆ، رف ءسىم ماسكەۋ مەملەكەتتىك حالىقارالىق قاتىناستار ينستيتۋتىنىڭ (ۋنيۆەرسيتەتىنىڭ) ءبىرىنشى پرورەكتورى گەننادي تولستوپياتەنكو، «ماسكەۋ ينجەنەرلىك فيزيكا ينستيتۋتى» ۇلتتىق زەرتتەۋ يادرولىق ۋنيۆەرسيتەتىنىڭ حالىقارالىق ستراتەگيا جانە دامۋ جونىندەگى پرورەكتورى دميتري ساۆكين قاتىستى.

تاراپتار ستراتەگيالىق سەرىكتەستىك پەن وداقتاستىق رۋحىندا دامىپ كەلە جاتقان ءبىلىم بەرۋ سالاسىنداعى ىنتىماقتاستىقتىڭ قازىرگى جاعدايىنا جوعارى باعا بەردى.

كەزدەسۋ بارىسىندا اتالعان جوعارى وقۋ ورىندارىندا قازاقستان ستۋدەنتتەرىن وقىتۋ جانە قازاقستان رەسپۋبليكاسىنىڭ ازاماتتارى ءۇشىن ءبىلىم بەرۋ كۆوتاسىن ۇلعايتۋ ماسەلەلەرى تالقىلاندى.

سونىمەن قاتار، قىركۇيەك ايىندا الماتى قالاسىندا اشىلعان «ميفي» ۇلتتىق زەرتتەۋ يادرولىق ۋنيۆەرسيتەتىنىڭ جانە اتىراۋ قالاسىندا اشىلعان ي.م.گۋبكين اتىنداعى رەسەي مەملەكەتتىك مۇناي جانە گاز ۋنيۆەرسيتەتى فيليالدارىنىڭ جۇمىس ىستەۋ باعىتتارى دا ءسوز بولدى.

كەزدەسۋ قورىتىندىسى بويىنشا تاراپتار ءوزارا ءىس-قيمىلدى ارتتىرۋ، تاعىلىمدامادان ءوتۋ جانە بىرلەسكەن عىلىمي جوبالاردى جۇزەگە اسىرۋ ارقىلى تاجىريبە الماسۋدى جانداندىرۋعا كەلىستى.