ەلوردا اينالاسىندا ازىق-ت ۇلىك بەلدەۋى قالىپتاسادى

«قالاداعى وتە وزەكتى ماسەلە – ينفلياتسيانىڭ جوعارى بولۋى. بىلتىرعى قورىتىندى بويىنشا باعانىڭ قىمباتتاۋى 23 پايىزعا جەتكەن. بۇل – رەسپۋبليكاداعى ەڭ تومەنگى كورسەتكىشتەردىڭ ءبىرى. استانادا ازىق-ت ۇلىك ءبىر جىلدا ورتا ەسەپپەن 25 پايىزعا قىمباتتادى. اكىمدىك تۇراقتاندىرۋ قورىندا رەزەرۆ جيناۋدى قويىپ، «اينالىم سحەماسى» اياسىندا ساۋدا جەلىلەرىنە جەڭىلدىكپەن زايم بەرۋگە كوشتى.

 14 ميلليارد تەڭگە ءبولىندى. بۇل – وڭىرلەر اراسىنداعى ەڭ جوعارى كورسەتكىش. قابىلدانىپ جاتقان شارالاردىڭ ءتيىمسىز ەكەنى انىق. جىلدار بويى ەلوردانىڭ اينالاسىندا ازىق-ت ۇلىك بەلدەۋىن دامىتۋ تۋرالى ايتىلدى، بىراق جۇمىس ورىندالمادى»، دەدى پرەزيدەنت.

ونىڭ ايتۋىنشا، استانا ازىق-ت ۇلىكتى الماتىدان 4 ەسە، ال شىمكەنتتەن 2 ەسە از وندىرەدى. جالپى، بارلىق وڭىرمەن سالىستىرعاندا قالا بۇل كورسەتكىش بويىنشا سوڭعى ورىندا تۇر. 

«كەيىنگى 8 جىلدا ەلورداعا اكەلىنگەن ازىق-ت ۇلىك يمپورتى 3 ەسەگە ارتتى. نەگىزىنەن وسى جەردە شىعارۋعا بولاتىن ونىمدەر تۋرالى ءسوز بولىپ وتىر. بۇل رەتتە جەرگىلىكتى قايتا وڭدەۋ كاسىپورىندارى تەك جارىم-جارتىلاي جۇمىس ىستەپ تۇر.

كوكونىس ساقتايتىن قويمانىڭ جەتىسپەۋى سالدارىنان جاعداي قيىنداپ وتىر. سوندىقتان 2025 جىلعا دەيىن قالادا 13 مىڭ توننادان استام كوكونىس ساقتايتىن قويمالار سالۋ كەرەك. اۋىل شارۋاشىلىعى مينيسترلىگىنە استانا قالاسى مەن اقمولا وبلىسىنىڭ اكىمدىكتەرىمەن بىرلەسىپ، ەلوردانىڭ اينالاسىندا ازىق-ت ۇلىك بەلدەۋىن قالىپتاستىرۋ جونىندە پارمەندى شارالار قابىلداۋدى تاپسىرامىن»، دەدى مەملەكەت باسشىسى.