كونگرەسس كىتاپحاناسىندا ساقتالعان

ءبىرىنشى سۋرەتتىڭ اتى – زايسان پوستىنداعى جەمەنەي شاتقالى. تۋىندى 1875 جىلعى اتالعان شاتقال كورىنىسىنىڭ ءبىر ءساتىن بەينەلەپ تۇر. 

ال وسى سۋرەتتىڭ استىنا «1874-75 جىلدارى رەسەي ۇكى­مەتى قىتاي نارىعىنا باراتىن جاڭا قۇرلىق جولدارىن ىزدەستىرۋ، ساۋدانىڭ ۇلعايۋ تۇيىن­دەرى، كونسۋلدىقتار مەن زاۋىتتاردىڭ ورنالاسۋ ورىندارى تۋرالى ەسەپ بەرۋ جانە سول كەزدە ءورشىپ تۇرعان دۇنگەن كوتەرىلىسى تۋرالى اقپارات جي­ناۋعا قىتايعا زەرتتەۋ جانە ساۋ­­دا ميسسياسىن جىبەردى. باتىس قىتايدىڭ بولىكتەرى. ارميا باس شتابىنىڭ پودپولكوۆنيگى يۋليان ا.سوسنوۆسكي باسقار­عان توعىز ادامنان تۇراتىن ارناۋلى دەلەگاتسيا توپوگراف، كاپيتان ماتۋسوۆسكي; عى­لىمي قىزمەتكەر، دوكتور پاۆەل ياكوۆ­لەۆيچ پياسەتسكي; قىتاي جانە ورىس اۋدارماشىلارى; ءۇش كازاك سولداتى جانە فوتوگراف ادولف ەرازموۆيچ بويارسكي تاعى باسقالاردان قۇرالعان. ولاردىڭ ماقساتى سانكت-پەتەربۋرگتەن ۇلان-باتىر (موڭعوليا)، بەيجىڭ جانە تيانتسزين ارقىلى شانحايعا، ودان كەيىن يانتسزى وزەنىنىڭ بويىمەن، قۇمىلدى باسىپ، ۇلى جىبەك جولىن ەندەي ءوتىپ، زايسان كولىنە، رەسەيگە قايتا ورالۋ بولاتىن. بويارسكي وسى كەزەڭدەگى قىتايدى زەرتتەۋ ءۇشىن بىرەگەي رەسۋرس بولىپ تابىلاتىن 200-گە جۋىق فوتوسۋرەت تۇسىرەدى. فوتو­سۋرەتتەردىڭ كوپشىلىگى وسى البومعا ەنگى­زىلگەن، كەيىنىرەك ول برازيليا يمپەراتورى II پەدرو جيناعان جانە ول برازيليانىڭ ۇلتتىق كىتاپحاناسىنا بەرگەن تەرەزا كريستينا ماريا جيناعىنىڭ ءبىر بولىگى بولدى»، دەگەن تۇسىن­دىرمە بەرىلگەن.

ال كەلەسى ءبىر سۋرەت «قارا-ءمالى» دەپ اتالىپتى دا، «ەسكى قالادان زايسانعا بارار جولدا، قازاقستان، 1875 جىل» دەگەن تاقىرىپپەن ساقتالعان ەكەن. ودان كەيىنگى سۋرەتتىڭ قاي­دان، قالاي تۇسىرىلگەنى تۋرالى بەرىلگەن تۇسىندىرمە جوعا­رى­دا­عىمەن ۇقساس. ماڭىز­دى­سى، اتال­عان ەكى سۋرەت تە «برازيليا ۇلت­تىق كىتاپحاناسى قورىنان الىندى»، دەلىنگەن.