فوتو: اقوردا
ءىس-شارا باستالار الدىندا رەسەي پرەزيدەنتى ۆلاديمير پۋتين ارداگەرلەرمەن سويلەسىپ, ۇلى وتان سوعىسىندا قازا تاپقانداردى ءبىر مينۋت ۇنسىزدىكپەن ەسكە الۋعا شاقىردى.
تاسس اگەنتتىگىنىڭ حابارلاۋىنشا, پارادتى رەسەي قورعانىس ءمينيسترى اندرەي بەلوۋسوۆ قابىلداپ جاتىر, ال شەرۋدى قۇرلىق اسكەرلەرىنىڭ باس قولباسشىسى اندرەي موردۆيچەۆ باسقارادى. رەسەي اسكەري قىزمەتكەرلەرىمەن بىرگە پارادقا شەتەلدىك اسكەري قۇرامالار, سونىڭ ىشىندە قحدر وكىلدەرى دە قاتىسىپ جاتىر.
بۇعان دەيىن اقش پرەزيدەنتى دونالد ترامپ رەسەي مەن ۋكراينا اراسىندا 9, 10 جانە 11 مامىر كۇندەرىنە ارنالعان ءۇش كۇندىك ءبىتىم جاريالانعانىن مالىمدەگەن ەدى. ەسكە سالساق, بيىلعى پاراد اسكەري تەحنيكالارسىز ءوتىپ جاتىر.
ۇلى وتان سوعىسىنداعى جەڭىستىڭ 81 جىلدىعىنا ارنالعان مەرەكەلىك شارالارعا قاتىسۋ ءۇشىن رەسەيگە ونداعان شەتەلدىك دەلەگاتسيا باردى. ولاردىڭ قاتارىندا قازاقستان پرەزيدەنتى قاسىم-جومارت توقاەۆ تا بار. كەشە ەكى ەل باسشىلارى كرەملدە كەزدەسۋ وتكىزگەن بولاتىن.
