فوتو: istockphoto.com
2025 جىلى KEGOC جوندەۋ ناۋقانىن جوسپاردان 18%-عا ارتىعىمەن ورىنداپ اياقتادى. ينۆەستيتسيالىق باعدارلاما ناقتى 99,5 ملرد تەڭگەگە يگەرىلدى. 2026 جىلى جالپى ينۆەستيتسيا كولەمى 181,9 ملرد تەڭگە دەڭگەيىندە جوسپارلانعان.
قازىرگى كەزەڭدە KEGOC «قازاقستاننىڭ بىرىڭعاي ەنەرگەتيكالىق جۇيەسىنىڭ وڭتۇستىك ايماعىنىڭ ەلەكتر جەلىسىن كۇشەيتۋ» جانە «باتىس قازاقستاننىڭ ەنەرگەتيكالىق جۇيەسىن قازاقستاننىڭ بىرىڭعاي ەنەرگەتيكالىق جۇيەسىمەن بىرىكتىرۋ» جوبالارىن جۇزەگە اسىرۋدى جالعاستىرىپ جاتىر. پرەزيدەنتتىڭ تاپسىرماسى بويىنشا ولاردى ىسكە اسىرۋ مەرزىمدەرى قىسقارتىلدى. جۇمىستار كەستەگە سايكەس جۇرگىزىلۋدە.
جيىندا ۇلتتىق ەلەكتر جەلىسىن 2035 جىلعا دەيىن دامىتۋ بويىنشا پەرسپەكتيۆالى جوبالار جەكە قاراستىرىلدى, ول شامامەن 7 مىڭ شاقىرىم جاڭا ەلەكتر بەرۋ جەلىلەرىن سالۋدى كوزدەيدى.
KEGOC تسيفرلاندىرۋ جانە جي-ءنى قولدانۋ اياسىندا ەنەرگيا جۇيەسىنىڭ جۇمىس رەجيمدەرىن جانە جاڭارتىلاتىن ەنەرگيا كوزدەرى ءوندىرىسىن ونلاين باقىلاۋ, بولجاۋ, دەرەكتەردى تالداۋ جانە وندىرىستىك پروتسەستەردى اۆتوماتتاندىرۋ جوبالارىن جۇزەگە اسىرىپ جاتىر. ىسكە اسىرىلعان تسيفرلىق جانە ينتەللەكتۋالدى شەشىمدەردىڭ جيىنتىق اسەرى 16,6 ملرد تەڭگەدەن استى.
