فوتو: اشىق دەرەككوز
9 مامىردا ەلدىڭ وڭتۇستىك-باتىسىندا, سولتۇستىك-باتىسىندا جانە سولتۇستىگىندە, ال 10-11 مامىر كۇندەرى شىعىس, وڭتۇستىك جانە وڭتۇستىك-شىعىس وڭىرلەردە قاتتى جاڭبىر جاۋى ىقتيمال. كەي جەرلەردە بۇرشاق ءتۇسىپ, ەكپىندى جەل سوعۋى مۇمكىن. رەسپۋبليكا بويىنشا جەلدىڭ كۇشەيۋى كۇتىلەدى, وڭتۇستىك وڭىرلەردە شاڭدى داۋىلدار بولجانعان. تۇنگى جانە تاڭەرتەڭگى ساعاتتاردا تۇمان ءتۇسۋى ىقتيمال.
ەل اۋماعىندا اۋا تەمپەراتۋراسىنىڭ بىرتىندەپ تومەندەۋى كۇتىلەدى. 11 مامىردا رەسپۋبليكانىڭ سولتۇستىك جارتىسىندا تۇنگى ۋاقىتتا 1-6 گرادۋسقا دەيىن ۇسىك بولۋى مۇمكىن.
كۇندىزگى اۋا تەمپەراتۋراسى:
باتىستا +13…+28°س;
سولتۇستىك-باتىستا +10…+18°س;
سولتۇستىكتە +5…+13°س;
ورتالىقتا جانە شىعىستا +8…+18°س;
وڭتۇستىكتە +17…+26°س;
وڭتۇستىك-شىعىستا +15…+22°س;
تاۋلى اۋدانداردا +8…+13°س بولادى دەپ كۇتىلەدى.
