اتاپ ايتقاندا, №9/10 «استانا – الماتى», №85/86 «استانا – شىمكەنت» باعىتىنداعى «تالگو» پويىزدارى مەن №6803/6804 «استانا – اتباسار», №7502/7501 «استانا – پاۆلودار», №7507/7508 «استانا – كوكشەتاۋ» ەلەكتر پويىزدارى ارنايى تاقىرىپتىق بەزەندىرۋمەن جولعا شىقتى.
بۇل باستاما ۇلى وتان سوعىسىندا ەرلىك كورسەتكەن قاھارمانداردىڭ رۋحىنا تاعزىم ەتۋگە ارنالادى. پويىز ۆاگوندارىنا قازاق حالقىنىڭ باتىر پەرزەنتتەرى — باۋىرجان مومىش ۇلى, راقىمجان قوشقارباەۆ, ءاليا مولداعۇلوۆا, مانشۇك مامەتوۆا, حيۋاز دوسپانوۆا, نۇركەن ءابدىروۆ, تولەۋعالي ابدىبەكوۆ, ساعادات نۇرماعامبەتوۆ, قاسىم قايسەنوۆ, مالىك عابدۋللين مەن تالعات بيگەلدينوۆتىڭ پورترەتتەرى ورنالاستىرىلدى.
مەرەكەلىك پويىزدارمەن ساپارعا شىققان جولاۋشىلار ەرەكشە بەزەندىرىلگەن ۆاگوندارعا قىزىعۋشىلىق تانىتىپ, ەستەلىك سۋرەتكە ءتۇسىپ جاتتى. ۇلتتىق تاسىمالداۋشى مەملەكەتتىك جانە ۇلتتىق مەرەكەلەر قارساڭىندا وسىنداي مازمۇندى جوبالاردى ءداستۇرلى تۇردە جۇزەگە اسىرىپ كەلەدى. بۇل يگى باستاما تاريحي سانانى جاڭعىرتىپ قانا قويماي, جولاۋشىلارعا جول ۇستىندە ەرەكشە اسەر سىيلايدى.
قتج مەرەكەلىك دەمالىستارعا قاتىستى ۇندەۋ جاسادى: پويىز كەستەسى وزگەرە مە؟
تاقىرىپتىق بەزەندىرىلگەن پويىزدار مامىر ايىنىڭ سوڭىنا دەيىن قاتىنايدى. وسى ۋاقىت ىشىندە ەلوردا تۇرعىندارى مەن قوناقتارى ساپار بارىسىندا باتىرلار ەرلىگىنە قۇرمەت ءبىلدىرىپ, تاريحپەن رۋحاني ۇندەسە الادى.
