ءىس-شاراعا پرەزيدەنت جانىنداعى جاستار ساياساتى جونىندەگى كەڭەستىڭ مۇشەلەرى دە قاتىستى.
ءراسىم بارىسىندا مەملەكەتتىك كەڭەسشى باتىرلاردىڭ ەرلىگى حالىق جادىندا ماڭگى ساقتالاتىنىن اتاپ ءوتتى.
ماسەلەن, مەملەكەت باسشىسىنىڭ ۇلتتىق قۇرىلتايدىڭ اتىراۋ وبلىسىندا وتكەن وتىرىسىنداعى تاپسىرماسىنا سايكەس, 2024 جىلى «ايبىن» وردەنىنىڭ دارەجەلەرىنە ساعادات نۇرماعامبەتوۆتىڭ, باۋىرجان مومىش ۇلىنىڭ, راقىمجان قوشقارباەۆتىڭ ەسىمدەرى بەرىلدى.
بۇعان قوسا پرەزيدەنت قاسىم-جومارت توقاەۆ 2025 جىلعى 24 جەلتوقساندا باۋىرجان مومىش ۇلىنىڭ تۋعانىنا 115 جىل تولعان كۇنى داڭقتى باتىرعا «حالىق قاھارمانى» اتاعىن بەرۋ تۋرالى جارلىققا قول قويدى.
باۋىرجان مومىش ۇلىنىڭ جارقىن بەينەسى مەن ەرەن ەرلىگى جاس ۇرپاق ءۇشىن قاشاندا ۇلگى-ونەگە. ال ءومىر جولى – ناعىز جاسامپاز ءپاتريوتيزمنىڭ, ار-نامىستىڭ ءارى وتانعا قىزمەت ەتۋدىڭ بيىك شىڭى.
