عىلىمي-زەرتتەۋ زەرتحاناسىن اشۋداعى ماقسات روبوتوتەحنيكا سالاسىنداعى عىلىمي-زەرتتەۋ ينستيتۋتتارىنىڭ زاماناۋي شەشىمدەرىن ۋنيۆەرسيتەتتەردىڭ وقۋ ۇدەرىسىمەن ىقپالداستىرۋ جانە عىلىمي-زەرتتەۋ جۇمىستارىن دامىتۋ, جاساندى ينتەللەكت تەحنولوگيالارىن, ونەركاسىپتى اۆتوماتتاندىرۋ, زاماناۋي قۇرال-جابدىقتار ءتىلىن يگەرۋ, سونداي-اق بىرلەسكەن عىلىمي-ادىستەمەلىك زەرتتەۋلەر جۇرگىزىپ, ازىرلەمەلەردىڭ ناتيجەلەرىن كوممەرتسيالاندىرۋ.
زاماناۋي پلاتفورمادا روبوتتى جۇيەلەر مەن ينتەللەكتۋالدىق مۇمكىندىكتەرى تانىستىرعان ماماندار تومەندەگى جەتىستىكتەرگە نازار اۋداردى.
مەحانيكا جانە ماشيناتانۋ ينستيتۋتى ازىرلەگەن 5 ءموبيلدى روبوتتى قامتيتىن سەرۆيستىك مەديتسينالىق روبوتتار كەشەنى, جوعارى ينتەللەكتى موبيلدىلىكتى قامتيدى. كولىك روبوتى, تازالاۋشى سەرىگى بار دەزينفەكتسيالىق روبوت, پالاتكالاردا ناۋقاستارعا قىزمەت كورسەتۋگە ارنالعان داۋىستىق فۋنكتسياسى بار روبوت كومەكشىسى, COVID سىناعىن الۋعا ارنالعان روبوتتى جيناقتاعىشى بار كوبوت-سىناما, سونداي-اق دەزينفەكتسيالىق سۇيىقتىقتى دايىنداۋعا ارنالعان ميكرورەاكتور جۇيەسى جانە روبوتتەحنيكالىق كەشەندەردىڭ ورتالىق باسقارۋ قۇرىلعىسىنىڭ تيىمدىلىگى زور.
سونىمەن قاتار باسقارۋ جۇيەلەرىن باعدارلامالاۋعا جانە روبوتتاردىڭ جاساندى ينتەللەكت الگوريتمدەرىن قۇرۋعا ارنالعان تۇپنۇسقالىق مانيپۋلياتورلارى بار 5 وقۋ روبوت-ستيمۋلياتورىنىڭ كەشەنىنىڭ دە قامتۋ اياسى كەڭ. كەشەن جەكە روبوتتاردىڭ, سونداي-اق وندىرىستە اۆتوماتتاندىرىلعان روبوتتاندىرىلعان جەلىلەر ءۇشىن امبەباپ قۇرىلعى.
ماشينا مەحانيكاسى جانە روبوتوتەحنيكا سالاسىنداعى ەلەكتروندى مۋلتيمەديالىق وقۋلىقتار كەشەنى ستۋدەنتتەرگە جاڭا اقپاراتتاردى زەرتتەۋگە جانە قۇرىلىمداۋعا كومەكتەسەدى. وقۋلىقتا مۋلتيمەديالىق كەشەندى پايدالانا وتىرىپ, بەينەدارىستەر كۋرسى قامتىلعان.
زەرتحانا مۇمكىندىكتەرى ستۋدەنتتەر ءۇشىن جاساندى ينتەللەكت مۇمكىندىكتەرىن جىلدام يگەرىپ, روبوت تەحنيكاسىنىڭ ءتىلىن يگەرۋمەن قاتار, ادامزات يگىلىگى جولىندا ىسكە اساتىن جوبالاردا پايدالانۋعا زور مۇمكىندىكتەر اشادى.
