استانا اۋەجايىنداعى جەلىلىك پوليتسيا بولىمىنە 27 قاڭتاردا Qazaq Air اۋەكومپانياسىنىڭ وكىلدەرىنەن استانا-شىمكەنت باعىتىنداعى رەيستىڭ جولاۋشىسىنا قاتىستى شارا قابىلداۋ تۋرالى حابارلاما تۇسكەن. قۇقىقبۇزۋشى اكت بويىنشا كولىك پوليتسەيلەرىنە بەرىلدى.
تەكسەرۋ بارىسىندا پوليتسەيلەر ماساڭ كۇيىندە بولعان جانە ۇشاق بورتىنداعى قاۋىپسىزدىك ەرەجەلەرىنە باعىنباعان شىمكەنت قالاسىنىڭ 55 جاستاعى تۇرعىنىن انىقتادى. مەديتسينالىق كۋالاندىرۋدىڭ قورىتىندىسىنا سايكەس, ول «جەڭىل دارەجەلى» الكوگولدىك ماساڭ كۇيىندە بولعان.
ەر ادامعا قاتىستى پوليتسيا قىزمەتكەرلەرى قر اقبتك-ءنىڭ 440-بابى 1-بولىگى (الكوگولدىك ىشىمدىكتەر ءىشۋ نەمەسە قوعامدىق ورىندارعا ماساڭ كۇيىندە كەلۋ), قر اقبتك-ءنىڭ 566-بابى 1-بولىگى (اۋە كەمەسىندە مىنەز-ق ۇلىق قاعيدالارىن بۇزۋ) بويىنشا ەكى اكىمشىلىك حاتتاما تولتىرىلىپ, 8 ايلىق ەسەپتىك كورسەتكىش (27 600 تەڭگە) مولشەرىندە ايىپپۇل سالدى.
