اقپارات جانە قوعامدىق دامۋ ءمينيسترى دارحان قىدىرالى LinkedIn كومپانياسىنىڭ ەۋروپا، تاياۋ شىعىس، افريكا جانە لاتىن امەريكا بويىنشا مەملەكەتتىك سەكتور جانە كوممەرتسيالىق ەمەس ۇيىمدارداعى ساتۋ ءبولىمىنىڭ باسشىسى شەيمۋس كلەنسيمەن ونلاين فورماتتا كەزدەستى، دەپ حابارلايدى Egemen.kz ۆەدومستۆونىڭ ءباسپاسوز قىزمەتىنە سىلتەمە جاساپ.
دارحان قىدىرالى قر پرەزيدەنتى قاسىم-جومارت توقاەۆ جۇرگىزىپ جاتقان رەفورمالار جونىندە جانە مينيسترلىك جەتەكشىلىك ەتەتىن سالا مەن باعىتتار تۋرالى ايتىپ بەردى.
سونىمەن قاتار مينيستر قازاقستاندا 14 ملن-عا جۋىق ادام (حالىقتىڭ 72%) الەۋمەتتىك جەلىنىڭ بەلسەندى پايدالانۋشىلارى ەكەنىن اتاپ ءوتتى.
«الەۋمەتتىك جەلىنى قولدانۋ ءۇردىسى كۇندەلىكتى ومىرگە تىكەلەي اسەر ەتەدى. سوندىقتان ونى دۇرىس باعىتتا پايدالانعان ءجون. بۇگىندە ەلىمىزدە جۋرناليستەر، ءباسپاسوز حاتشىلارى، مەديامەنەدجەرلەردىڭ كاسىبي دەڭگەيىن ارتتىرۋ ءۇشىن قاجەتتى شارالاردى قولدانىپ وتىرمىز. وسى ورايدا الەۋمەتتىك جەلى مەن ونلاين پلاتفورمالاردى قولدانۋ ءتيىمدى دەپ بىلەمىز جانە سىزدەرمەن سەرىكتەستىك ورناتۋعا مۇددەلىمىز»، دەدى مينيستر.
ءوز كەزەگىندە LinkedIn كومپانياسىنىڭ ءبولىم باسشىسى شەيمۋس كلەنسي: «جالپى ورتالىق ازيا مەملەكەتتەرىنىڭ ىشىنەن ەڭ ءبىرىنشى بوپ LinkedIn كومپانياسى قازاقستانمەن، ياعني، سىزدەرمەن كەزدەسىپ وتىر. وتە قۋانىشتىمىز جانە قولدانۋشىلار ءۇشىن ءتيىمدى بىرلەسكەن جوبالاردى اتقارۋعا بولادى. سەرىكتەستىككە ارقاشان دايىنبىز!» دەدى.
ەسكە سالايىق، قازىرگى تاڭدا قازاقستان مەتا، TikTok سياقتى الەمدىك كومپانيالارمەن تىكەلەي بايلانىس ورناتىپ، ءتيىمدى قارىم-قاتىناس جۇرگىزىپ وتىر.
قازاقستاننىڭ بىرنەشە ايماعىندا جەر سىلكىندى
توتەنشە جاعداي • بۇگىن، 00:57
كەرولاين سەۆيدج: قازاق مادەنيەتىنە قىزىعامىن
سۇحبات • كەشە
ايماقتار • كەشە
مەرەكە • كەشە
جەردىڭ توڭى جىبىگەندە، ەلدىڭ ءوڭىن جىلىتتىق...
ءۇمىت • كەشە
بەس بالانى باۋىرىنا باسقان انا
وتباسى • كەشە
ۇقساس جاڭالىقتار
