كەڭەيگەن ستارتاپ باعدارلامالارى

ەسكە سالساق، بىلتىر تسيفرلىق دامۋ، يننوۆاتسيالار جانە اەرو­عا­رىش ونەركاسىبى مينيستر­لى­گىنىڭ قولداۋىمەن Astana Hub ورتالىق ازياداعى Google for Startups باعدارلاماسىنىڭ العاش­قى سەرىكتەسى بولدى. Silkway Accelerator بىرلەسكەن باعدار­لا­ما­سىنىڭ ءبىرىنشى لەگى بىلتىرعى شىل­دەدە، ەكىنشى لەگى قىركۇيەك ايىن­دا باستالعان بولاتىن.

– Google for Startups-پەن ىنتى­ماقتاستىقتىڭ ارقاسىندا ورتا­لىق ازيادان، ازەربايجان جانە موڭعوليادان 25 ۇزدىك ستارتاپ جاھاندىق نارىققا شىعىپ، اكسەلەراتور كەزىندە قارقىندى دامىدى. بارلىق كومپانيانىڭ اي سايىنعى تابىسى ورتا ەسەپپەن ەكى ەسەگە ارتتى. Google for Startups-پەن سەرىكتەستىگىمىز قي­سىن­دى جالعاسىن تاپتى. قازىر باع­دارلاماعا وتىنىمدەر قابىلداپ جاتىرمىز. بيىلعى جاڭالىق -– Google for Startups باعدارلاماسى گرۋزيانى قوسۋ ارقىلى باعدار­لا­ما­نىڭ قامتۋ ايماعىن كەڭەيتتى. ەندى وسى ەلدىڭ ستارتاپتارى دا ءبىزدىڭ اكسەلەراتورعا قاتىسا الادى، – دەدى Astana Hub باس ديرەكتورى ماعجان ماديەۆ.

وتكەن جىلى باعدارلاماعا 567 تەحنولوگيالىق جوبا بو­يىنشا ءوتىنىم تۇسكەن. ولاردىڭ 30-ى ىرىكتەۋدەن ءساتتى ءوتىپ، ال 25-ءى باعدارلاما بارىسىندا تا­بىس­­تارىن ارتتىرىپ، جاڭا نا­رىق­تارعا شىقتى. مىسالى، Citix اقپاراتتىق-ناۆيگاتسيالىق جۇ­يە­سى تۇركيا مەن بىرىككەن اراب امىرلىكتەرىنىڭ نارىعىنا باعىت الدى. Zypl.ai ستارتاپىنىڭ نەگىزىن قالاۋشىلار ەكى جاڭا نارىقتا ساتىلىمدارىن كەڭەيتىپ، قۇنىن 6 ملن دوللاردان 10 ملن دوللارعا ۇلعايتتى. CTOgram جوباسى 230 مىڭ بەلسەندى اۆتوكولىك يەلەرى مەن 2 مىڭنان استام جوندەۋ شەبەرحاناسىن قامتىدى. Fibo.cloud كومپانياسى اي سايىنعى كىرىسىن 22 ەسەگە، Metatesk ءبىلىم بەرۋ پلات­فور­ماسى 4 مىڭ دوللاردان 18 مىڭ دوللارعا ءوسىردى، ال Planet9 نەوبانكىنىڭ ساتىلىمى 0-دەن 70 مىڭ دوللارعا ارتتى. Zan.bar ەۋروپالىق نارىققا شىعىپ، ءوز ءونىمىن ۇلىبريتانياداعى 12 بانكپەن ينتەگراتسيالادى.

Silkway Accelerator-دىڭ ءۇشىن­شى لەگى 2023 جىلدىڭ 20 ناۋ­رى­زىندا باستالادى. بۇل جولى دا وقۋ استانادا وففلاين فورمات­تا تەگىن وتەدى جانە ءۇش ايعا سوزى­لادى. قازاقستان، قىر­عىز­ستان، وزبەكستان، ازەربايجان، موڭعوليا، تاجىكستان، تۇركى­مەن­ستان جانە گرۋزيا ەلدەرىنىڭ Product/Market Fit، Scale كەزە­ڭىن­دە­گى IT-ستارتاپتارىنان وتىنىمدەر 17 اقپانعا دەيىن قابىلدانادى. قاتىسۋشىلار Google-دىڭ ۇزدىك ساراپشىلارى، Astana Hub-تىڭ تاجىريبەلى ترەكەرلەرى مەن مەنتورلارىنان ءتالىم الىپ، شەبەرلىك ساباقتارىنا، سونداي-اق PR قول­داۋعا يە بولادى. ءۇشىنشى لەك­تىڭ ناتيجەسىنە وراي Demo Day ۇيىمداستىرىلىپ، ستارتاپتار جەرگىلىكتى جانە شەتەلدىك ينۆەس­تور­لارعا ءوز جوبالارىن تانىس­تىرادى. سونىمەن قاتار Astana Hub قاتىسۋشىلارعا جاب­دىق­تال­عان باس­پانا مەن جۇمىس ورنىن ۇسىنادى. ولار بيزنەس-پرو­تسەس­تەردى دۇرىس جۇر­گىزىپ، ءتيىم­دى سەرىكتەستىك قۇرۋ­دى، جوبا اۋقى­مىن كەڭەيتىپ، ينۆەستيتسيا تارتۋدى ۇيرەنەدى.

– باستاپقىدا بۇل جاي عانا ستار­تاپتارعا ارنالعان كەزەكتى قا­را­پايىم باعدارلاما دەپ وي­لادىم. بىراق قازىر ونى ەڭ جاق­سى باعدارلاما دەپ سانايمىن. ءبىز بەلسەندىرەك، بىراق سونىمەن بىرگە بارىنشا ويلاسىپ ارەكەت ەتە باستادىق. دامۋدى جەدەلدەتەتىن جاڭا بيزنەس قادامدار ىزدەستىردىك. اتاپ ايتقاندا، امەريكا، كانادا جانە اۋستراليا نارىقتارىندا بەلسەندىلىگىمىز ارتتى، – دەپ  اسەرى­مەن ءبولىستى Smoothly LTD باس ديرەكتورى ەرجان اسانوۆ.

ونىڭ ۇيقىنى جايلى ەتەتىن Smoothly ءموبيلدى قوسىمشاسى «دەنساۋلىق جانە فيتنەس» ساناتى بويىنشا كانادا مەن اۋسترا­ليا­داعى App Store-دىڭ 100 ۇزدىك قولدانباسىنىڭ تىزىمىنە ەنىپ، 30 مىڭ­نان اسا جۇكتەلگەن.

Google for Startups – 2011 جىلى Google كورپوراتسياسى ىسكە قوس­قان ستارتاپ باعدارلاماسى. ول 125 ەلدەگى 50-دەن استام كوۆوركينگ پەن اكسەلەراتوردان تۇ­رادى جانە تەحنولوگيالىق كا­سىپ­كەرلەر ءۇشىن پراكتيكالىق سا­باق­تار ۇسىنادى.