وقۋ-اعارتۋ مينيسترلىگى بۇيرىعىنىڭ جوباسى 3 اقپانعا دەيىن جالعاساتىن قوعامدىق تالقىلاۋعا شىعارىلعان.
«2023-2024 وقۋ جىلىنان باستاپ نەگىزگى ورتا (5-8-سىنىپتار), جالپى ورتا (10-سىنىپ) ءبىلىم دەڭگەيىندە اكادەميالىق جىلدى اياقتاعان كەزدە قازاق تىلىندە وقىتاتىن مەكتەپتەردە «قازاق ءتىلى» ءپانى بويىنشا جانە قازاق تىلىندە وقىتپايتىن مەكتەپتەردە «قازاق ءتىلى مەن ادەبيەتى» ءپانى بويىنشا ەمتيحان ەنگىزىلەدى», دەلىنگەن بۇيرىق جوباسىندا.
بۇيرىقتا بۇل جاڭاشىلدىق مەملەكەتتىك ءتىلدىڭ مارتەبەسىن ارتتىرۋ ماقساتىندا «قازاقستان رەسپۋبليكاسىنداعى ءتىل ساياساتىن ىسكە اسىرۋدىڭ 2020-2025 جىلدارعا ارنالعان مەملەكەتتىك باعدارلاماسىن بەكىتۋ تۋرالى» ۇكىمەت قاۋلىسىن ورىنداۋ ءۇشىن ەنگىزىلگەنى ايتىلعان.
