الداعى سايلاۋدىڭ – ماجىلىسكە دەپۋتاتتار ءبىر مانداتتى وكرۋگتەر ارقىلى دا سايلاناتىنى, ۇمىتكەرلەردىڭ ءوزىن ءوزى ۇسىنۋىنا مۇمكىندىك بەرىلۋى, ايەلدەر, جاستار جانە ەرەكشە مۇقتاجدىعى بار ادامدار ءۇشىن كۆوتا قاراستىرىلۋى, وبلىستارداعى ايماقتىق سايلاۋ كوميسسيالارى كاسىبي تۇردە جۇمىس ىستەيتىنى سەكىلدى باسقا دا بىرقاتار ەرەكشەلىگى قوعام تاراپىنان قولداۋعا يە بولدى.
مەملەكەت باسشىسى: «ساياسي جاڭعىرۋ بولماسا, ەلىمىزدى ورنىقتى دامىتۋ, اۋقىمدى الەۋمەتتىك-ەكونوميكالىق وزگەرىس جاساۋ مۇمكىن ەمەس», دەپ اتاپ وتكەن بولاتىن. بۇل رەتتە ازاماتتاردىڭ مەملەكەتتى باسقارۋ ىسىنە قاتىسۋى وتە ماڭىزدى. ونى سايلاۋ ۇدەرىسىنەن دە كورۋگە بولادى. اسىرەسە, مەملەكەتىمىزدىڭ ينستيتۋتسيونالدىق تۇعىرىن نىعايتىپ, پارلامەنتتىڭ ءرولىن ارتتىرۋ ماڭىزدى بولىپ وتىرعان قازىرگى كەزەڭدە حالىقتىڭ سەنىم مانداتىنا يە بولاتىن دەپۋتاتتارعا زور ءۇمىت ارتامىز. قازاق ەلىنىڭ قارىشتاپ دامۋى مەن وركەندەۋىنە, جاڭا مەملەكەتتىك مودەلىن قالىپتاستىرۋعا باعىتتالعان باتىل باستامالاردى كۇتەمىز.
بۇل ساياسي ناۋقان ەلىمىزدىڭ دامۋى ءۇشىن ەرەكشە ماڭىزدى. سايلاۋعا قاتىسۋ ارقىلى ازاماتتىق پارىزىمىزدى اتقارىپ, بولاشاعىمىزعا لايىقتى تاڭداۋ جاسايمىز. جاڭارۋ مەن جاڭعىرۋ جولىنداعى قازاقستاندى قۇرۋ – ارقايسىسىمىزدىڭ قولىمىزدا.
گۇلزادا شاكۋليكوۆا,
«س.وتەباەۆ اتىنداعى اتىراۋ مۇناي جانە گاز ۋنيۆەرسيتەتى» كەاق باسقارما توراعاسى-رەكتور
