جوبا جەر تەلىمدەرىن پايدالانۋدىڭ تيىمدىلىگىن, مال مەن قۇستىڭ ونىمدىلىگىن ارتتىرۋعا جانە جەمشوپ پەن جايىلىم جاعدايىن جاقسارتۋعا مۇمكىندىك بەرۋ ءۇشىن اۋىلدار ماڭىنداعى جەر تەلىمدەرىن نەعۇرلىم ۇتىمدى پايدالانۋعا باعىتتالعان. جوبا اياسىندا اۋىل تۇرعىندارىنىڭ كاسىپكەرلىك باستامالارىن قارجىلاندىرۋ مۇمكىندىگى دە تۋادى.
«پيلوتتىق جوبانىڭ ناتيجەسىندە جەكە كاسىپكەرلەر سانى 2 282 ارتىپ, 589 جاڭا جۇمىس ورىندارى اشىلۋى ەسەبىنەن جۇمىسسىزدار سانى 194 ادامعا كەمىدى. اتاۋلى الەۋمەتتىك كومەك الۋشىلار سانى 1 058 وتباسىعا نەمەسە 65%-عا ازايدى. سونىمەن قاتار جوبا اياسىندا مال باسى ۇلعايىپ, ەت جانە ءسۇت ءوندىرىسى ەداۋىر ارتتى», دەدى سەناتور.
اتالعان جوبا ءوزىنىڭ تيىمدىلىگىن دالەلدەپ, اۋىل شارۋاشىلىعى, ەڭبەك جانە حالىقتى الەۋمەتتىك قورعاۋ, ۇلتتىق ەكونوميكا مينيسترلىكتەرىنىڭ, سونداي-اق «اتامەكەن» كاسىپكەرلەر پالاتاسىنىڭ ساراپشىلارى تاراپىنان جوعارى باعاعا يە بولدى. ماۋلەن اشىمباەۆ وسى جىلدىڭ قاڭتار ايىندا وبلىسقا جاساعان ساپارى بارىسىندا بۇل جوبادا كوزدەلگەن مىندەتتەر مەملەكەت باسشىسىنىڭ 2022 جىلعى جولداۋىندا كورسەتىلگەنىن دە اتاپ ءوتتى.
«جوبا جەكە قوسالقى شارۋاشىلىقتاردى قولداۋعا نەگىزدەلگەن. پيلوتتىق جوبانىڭ اياسىندا قوسىمشا 40 اۋىلدىق وكرۋگتەرىندەگى 4 000 جوبانى جۇزەگە اسىرۋ ءۇشىن 20 ملرد تەڭگە قاراجات قاجەتتىلىگى تۋىندايدى. جوعارىدا ايتىلعانداردى ەسكەرە وتىرىپ, «اۋىل حالقىنا اۋىل حالقىنىڭ تابىسىن ارتتىرۋ جونىندەگى جوبانى ماسشتابتاۋعا ميكروكرەديتتەر بەرۋ» بيۋدجەتتىك باعدارلاماسى اياسىندا اتالعان سومانى رەسپۋبليكالىق بيۋدجەتتەن بولۋگە جاردەمدەسۋدى سۇرايمىز», دەدى ءابدالى نۇراليەۆ.
