قىزىلوردا وبلىسى پد ەسىرتكى قىلمىسىنا قارسى ءىس قيمىل باسقارماسىنىڭ قىزمەتكەرلەرى جۇرگىزگەن ارنايى جەدەل-ىزدەستىرۋ ءىس-شارالارىنىڭ ناتيجەسىندە قالا كوشەلەرىنىڭ بىرىندە Kia اۆتوكولىگى توقتاتىلىپ, كولىكتى ءتىنتۋ كەزىندە تاراتۋعا دايىندالعان 165 تۇيىنشەككە ورالعان ەسىرتكى زاتى انىقتالىپ, تاركىلەندى. ءدال سول جەردە 20 جاستاعى وبلىس تۇرعىنى قۇرىقتالدى.
انىقتالعانداي, كۇدىكتى وبلىس ورتالىعىندا تۇرعىن ءۇيدى جالعا العان. رۇقسات ەتىلگەن ءتىنتۋ كەزىندە جالعا الىنعان تۇرعىن ۇيدەن جازۋلارى بار پاكەت ىشىنەن اق ءتۇستى ۇنتاقتار, ەلەكتروندى تارازى, فولگا, يزولەنتا تاركىلەندى. ساراپتاما قورىتىندىسىنا سايكەس, ايعاقتى زات رەتىندە تاركىلەنگەن سينتەتيكالىق ەسىرتكى زاتتار (جالپى سالماعى 233,28 گرامم مەفەدرون جانە 249,7 گرامم PVP).
اتالعان دەرەك بويىنشا قر قك-ءنىڭ 297-بابى 3-بولىگىنىڭ 3,5-تارماعىمەن سوتقا دەيىنگى تەرگەپ-تەكسەرۋ باستالدى. كۇدىكتى ۋاقىتشا ۇستاۋ يزولياتورىنا قاماۋعا الىندى.
