«قازاقستان رەسپۋبليكاسىنىڭ زاڭدارىنا سايكەس پارلامەنت سەناتىنا دەپۋتات سايلاۋى ءوتىپ جاتىر. سايلاۋعا وبلىستاعى بارلىق دەڭگەيدەگى دەپۋتاتتاردىڭ 108-ءى قاتىسىپ وتىر», دەدى ءماسليحات حاتشىسى.
اباي وبلىسىنىڭ اۋماقتىق سايلاۋ كوميسسياسىنىڭ ءتورايىمى ناتاليا فەسەنكونىڭ ايتۋىنشا قر كونستيتۋتسياسىنا جانە «سايلاۋ تۋرالى» قر كونستيتۋتسيالىق زاڭىنىڭ تالاپتارىنا سايكەس كەلگەن ءۇش ۇمىتكەر – اپەنوۆ كيماليدين ساعالباي ۇلى, ماسلوۆا انجەلا ۆلاديميروۆنا, تاستەكەەۆ قايرات قۇلباي ۇلى رەسمي تىركەلىپ سايلاۋعا قاتىستى. سايلاۋشىلار جەكە كۋالىكتەرىن كورسەتىپ, ءوز داۋىستارىن قۇپيا تۇردە بەرەدى.
سايلانعان ۇمىتكەر سايلاۋشىلاردىڭ 50 پايىز داۋىسىن السا, ءوتتى دەپ ەسەپتەلەدى.
بۇگىنگى سايلاۋعا داۋىس بەرۋ مۇمكىندىگى بار اباي وبلىسىنداعى 123 دەپۋتاتتىڭ 108-ءى قاتىسىپ, ءوز تاڭداۋلارىن جاسادى.
داۋىس بەرۋدىڭ الدىن الا قورىتىندىسى بويىنشا اپەنوۆ كيمالدين 10 داۋىس, ماسلوۆا انجەلا 7 داۋىس, تاستەكەەۆ قايرات 89 داۋىس جيناسا, بارلىعىنا قارسى 2 داۋىس بەرىلگەن.
