ۆەدومستۆو باسشىسى ەلىمىزدىڭ ەكونوميكاسىنا ينۆەستيتسيا تارتۋ ءۇشىن جاپونيانىڭ ءىرى بيزنەسىمەن ارىپتەستىك بايلانىستى نىعايتۋعا مۇددەلى ەكەنىن جەتكىزدى. بۇعان قوسا تاراپتار تاياۋ ارادا ۇكىمەتارالىق كوميسسيانىڭ وتىرىسىن وتكىزۋگە بايلانىستى ناقتى مەرزىمدى بەلگىلەۋگە ۋاعدالاستى.
اتالعان كەزدەسۋدە بيىل توكيو قالاسىندا وتكىزىلۋى ءتيىس ەكونوميكالىق ىنتىماقتاستىق جونىندەگى ەكى ەلدىڭ ۇكىمەتتىك جانە جەكە سەكتوردىڭ قازاقستان-جاپونيا بىرلەسكەن كوميسسياسىنىڭ VIII وتىرىسىنا قاتىستى ماسەلەلەر دە قارالدى.
«جاپونيا قازاقستاننىڭ ءىرى ەكونوميكالىق سەرىكتەستەرىنىڭ ءبىرى سانالادى. ۇكىمەتارالىق كوميسسيانىڭ VIII وتىرىسى قازاقستان-جاپونيا ەكونوميكالىق ىنتىماقتاستىق كوميتەتىنىڭ XVII بىرلەسكەن وتىرىسىمەن بىرىكتىرىلەتىن بولادى. بۇل رەتتە بىرلەسكەن كوميسسيانىڭ قىزمەتى اياسىندا ساۋدا-ينۆەستيتسيالىق باعىتتاعى ىنتىماقتاستىقتى, اۆتوموبيل ءوندىرىسى, ەلەكترونيكا جانە ەلەكتروتەحنيكا سالاسىنداعى تاجىريبەمەن الماسۋدى, سونداي-اق جاسىل تەحنولوگيالار باعىتىنداعى ارىپتەستىكتى كەڭەيتۋ مەن اقپاراتتىق تەحنولوگيالار جانە ەلەكتروندى ونەركاسىپ سەگمەنتىندەگى ستارتاپتاردى دامىتۋ ماسەلەلەرىن قاراستىرۋدى ۇسىنامىز», دەدى مارات قاراباەۆ.
وسى ورايدا قازاقستاندىق تاراپ اتالعان باسقوسۋدى ءساتتى وتكىزۋگە قول ۇشىن بەرۋگە دايىن ەكەندەرىن جەتكىزدى.
ۇكىمەتارالىق كوميسسيانىڭ وتىرىسىن وتكىزۋ فورماتىن تالقىلاۋ مەن ونى بىرلەسىپ ىسكە اسىرۋ ماقساتىندا جوبالار پۋلىن ايقىنداۋ ءۇشىن م.قاراباەۆ وسى ءۇكىمەتارالىق كوميسسيانىڭ تەڭ توراعاسى, جاپونيانىڭ ەكونوميكا, ساۋدا جانە ونەركاسىپ ءمينيسترىنىڭ ورىنباسارى حيراي حيروحيدەمەن ونلاين فورماتتا كەزدەسۋ ۇيىمداستىرۋدى ۇسىندى.
ءوز كەزەگىندە يوشيكاۆا يۋمي قازاقستاندىق ارىپتەسىنىڭ ۇسىنىستارىن قولدايتىنىن ايتىپ, بۇل تۋرالى جاپونيانىڭ ەكونوميكا, ساۋدا جانە ونەركاسىپ مينيسترلىگىنءىڭ باسشىلىعىنا جەتكىزەتىنىنە ۋادە ەتتى. كەزدەسۋءدىڭ قورىتىندىسى بويىنشا تاراپتار ىسكەرلىك اڭگىمەگە ريزاشىلىقتارىن ءبىلدىرىپ, ەكى ەلدىڭ قارىم-قاتىناسىن ودان ءارى دامىتۋدىڭ ماڭىزدىلىعىن اتاپ ءوتتى.
