فوتو: اشىق دەرەككوز
سوڭعى جىلدارى تەحنولوگيالىق الىپتار مەن ترانسۇلتتىق كورپوراتسيالاردىڭ ەكونوميكالىق كولەمى تەز ءوسىپ كەلەدى. Nvidia-نىڭ نارىقتىق قۇنى 2026 جىلدىڭ مامىر ورتاسىندا 5,7 ترلن دوللارعا جەتتى. بۇل كومپانيا قازىر الەمدەگى ءۇشىنشى ءىرى ەكونوميكا جانە ەۋروپاداعى ەڭ ءىرى ەكونوميكا بولىپ سانالاتىن گەرمانيانىڭ ىشكى جالپى ونىمىنەن دە اسىپ وتىر. حالىقارالىق ۆاليۋتا قورىنىڭ مالىمەتىنشە (حۆق), ەلدىڭ جىلدىق تابىسى 5,45 ترلن دوللاردى قۇرايدى.
Nvidia – چيپتەرى ۆيدەويىنداردان باستاپ جاساندى ينتەللەكت جۇيەلەرىنە دەيىن قولدانىلاتىن اقش كومپانياسى. ول 2025 جىلدىڭ قازانىندا العاش رەت 5 ترلن دوللار شەگىنەن ءوتىپ, 2026 جىلدىڭ مامىرىندا 5,7 ترلن دوللارعا جەتتى.
كومپانيا بۇعان دەيىن جاپونيا مەن ۇلىبريتانيانىڭ ەكونوميكالىق كولەمىن باسىپ وزعان, ەندى گەرمانيانىڭ 2026 جىلعا بولجانعان ءىجو-سىنەن دە اسىپ ءتۇستى.
بۇگىندە نارىقتىق قۇنى 20,81 ترلن دوللاردى قۇرايتىن اقش-تىڭ ەڭ ءىرى بەس كومپانياسى (Nvidia, Alphabet, Apple, Microsoft جانە Amazon) ەۋروپانىڭ بەس ءىرى ەكونوميكاسىنىڭ (گەرمانيا, ۇلىبريتانيا, فرانتسيا, يتاليا جانە يسپانيا) ءىجو-سىنەن (18,14 ترلن دوللار) اسىپ تۇسكەن.
ايتا كەتەيىك, وسى اپتادا اق ءۇي باسشىسى دونالد ترامپ پەن سي تسزينپين كەزدەستى. بۇل كەزدەسۋلەرگە Nvidia باس ديرەكتورى دجەنسەن حۋانگ تا قاتىستى. ناۋرىزدا ول جاساندى ينتەللەكتكە سۇرانىس ارتسا, Nvidia ساتىلىمى الداعى ەكى جىلدا 1 ترلن دوللارعا جەتۋى مۇمكىن ەكەنىن ايتقان.
بۇعان دەيىن پرەمەر-ءمينيستردىڭ ورىنباسارى – ۇلتتىق ەكونوميكا مينيسترى سەرىك جۇمانعارين مۇناي ءوندىرىسى اقساماعاندا, ءىجو ءوسىمى 6%-دان اساتىندىعىن اتاپ وتكەن ەدى.
