تەرگەۋ يزولياتورىندا وتىرعان ەرماك قارجى تولىق تولەنگەننەن كەيىن قاماۋدان شىعۋ قۇقىعىنا يە بولدى.
ايتا كەتەيىك, وعان قاتىستى ايىپ 11 مامىردا تاعىلعان. ۋكراينانىڭ مامانداندىرىلعان سىبايلاس جەمقورلىققا قارسى پروكۋراتۋراسى (ساپ) ونى كيەۆ ماڭىنداعى ەليتالىق تۇرعىن ءۇي كەشەنىنىڭ قۇرىلىسى بارىسىندا قاراجاتتى زاڭداستىرۋ ىسىنە قاتىسى بار دەپ ايىپتادى.
بۇعان دەيىن جوعارى انتيكوررۋپتسيالىق سوت ونى قاماۋعا الىپ, كەپىلمەن بوساتۋعا رۇقسات بەرگەن بولاتىن. الايدا ەرماك مۇنداي سومانى تولەۋگە مۇمكىندىگى جوق ەكەنىن ايتىپ, ونى نەگىزسىز دەپ اتاعان. ونىڭ قورعاۋشىلارى اپەللياتسيا بەرۋدى جوسپارلاعان. سوعان قاراماستان, قاجەتتى قاراجات كەيىننەن تابىلعان.
سونىمەن قاتار, ەرماكتىڭ سيزو-دا اقىلى كامەرادا وتىرعانى دا حابارلانعان.
ايتا كەتەيىك, رەسەيلىك باق-تا تاراعان ەلەنا زەلەنسكاياعا قاتىستى قىلمىستىق ءىس قوزعالۋى مۇمكىن دەگەن اقپاراتقا بايلانىستى ۋكراينانىڭ سىبايلاس جەمقورلىققا قارسى ۇلتتىق بيۋروسى مەن مامانداندىرىلعان سىبايلاس جەمقورلىققا قارسى پروكۋراتۋراسى پرەزيدەنت جۇبايىنا قاتىستى ەشقانداي تەرگەۋ ارەكەتتەرى جۇرگىزىلمەيتىنىن مالىمدەدى.
