2022 جىلدىڭ 14 جەلتوقسانىندا ابيەۆ 50 ميلليون تەڭگەمەن ۇستالىپ, سوتتىڭ سانكتسياسىمەن 2 اي مەرزىمگە قاماۋعا الىندى.
سونداي-اق ابيەۆ مەملەكەتتىك ورگاندار قىزمەتكەرلەرى مەن ازاماتتاردى اداستىرۋ ماقساتىندا «سىبايلاس جەمقورلىققا قارسى كۇرەس دەپارتامەنتى» جشس جەكە زاڭدى تۇلعاسىن تىركەگەنى انىقتالدى. اتالعان ۇيىمنىڭ باسشىسى بولىپ كورىنىپ, سول ارقىلى بيلىك وكىلىنىڭ بەينەسىن جاساپ, ابيەۆ كاسىپكەرلەر مەن مەملەكەتتىك ورگانداردىڭ لاۋازىمدى ادامدارىنان ءوزىنىڭ جەكە مۇددەسى ءۇشىن ءىس-ارەكەتتەر جاساۋدى, سونداي-اق زاڭدا بەلگىلەنگەن ءتارتىپتى بۇزا وتىرىپ اقپارات پەن ماتەريالدار بەرۋدى تالاپ ەتكەن.
ابيەۆ تەك وزىنە-ءوزى قىزمەت ەتۋ سەبەپتەرىن كوزدەي وتىرىپ, اقشالاي سىياقىلار ءۇشىن جەكە تۇلعالارعا ءوز ۇيىمى قىزمەتكەرىنىڭ قىزمەتتىك كۋالىكتەرىن بەرىپ, ولاردى بيلىك وكىلىنىڭ مارتەبەسى تۋرالى جاڭىلىستىردى.
«ابيەۆتىڭ قىزمەتى قۇقىق قورعاۋ ورگاندارىنىڭ جۇمىسىمەن ەشقانداي بايلانىسى جوق. ابيەۆتىڭ باسقا دا وسىعان ۇقساس قىلمىستارعا قاتىسى تۋرالى اقپارات تەكسەرىلەدى. ابيەۆتىڭ زاڭسىز قىزمەتىنىڭ بارلىق فاكتىلەرى تۋرالى سىبايلاس جەمقورلىققا قارسى قىزمەتكە 1424 ءنومىرى بويىنشا حابارلاسۋىڭىزدى سۇرايمىز», دەلىنگەن ۆەدومستۆو حابارلاماسىندا.
